Hawaii Wildfire: अमेरिकेतील हवाई येथील माउईच्या जंगलात भीषण आग लागली आहे. आग किती वेगवान आहे, याचा अंदाज यावरून लावता येतो की, लहैना शहरात आतापर्यंत किमान ६७ जणांनी लोकांना बाहेर काढताना आगीत अडकून आपला जीव गमावला आहे. आगीवर नियंत्रण मिळवण्यासाठी अग्निशमन दलाचे जवान सातत्याने प्रयत्न करत आहेत.

हवाई येथे असलेल्या लहेना, पुलेहू आणि अपकंट्रीमध्ये नवीन आग लागली आहे. लोकांची जीव वाचवण्यासाठी धडपड सुरु आहे. काही लोकांनी समुद्रात उडी मारली आहे. इतकंच नाही तर बेटावरील ऐतिहासिक शहरांचा मोठा भाग आगीमुळे नष्ट झाला आहे. जंगलातील आगीमुळे लाहैना शहरातील पर्यटन स्थळांचे मोठे नुकसान झाले आहे.

अमेरिकेच्या हवामान विभागाच्या म्हणण्यानुसार, चक्रीवादळ डोरा देखील हवाईमधील या जंगलातील आगीच्या जलद उद्रेकास कारणीभूत आहे, ज्याच्या जोरदार वाऱ्यामुळे आग खूप वेगाने पसरली होती.

अग्निशामक दल लोकांची सुटका करत आहेत आणि आग आटोक्यात आणत आहेत. लहेना येथे लागलेली आग इतकी भीषण आहे की लोकांना वाचवणे कठीण झाले आहे.आणखी १४ जणांना जीव गमवावा लागला आहे. त्यामुळे मृतांचा आकडा ६७ वर पोहोचला आहे. (Latest marathi news)

सध्याची परिस्थिती कशी आहे?

अग्निशमन दलाच्या जवानांना मोठा त्रास होत आहे. बुधवारी स्थानिक वेळेनुसार, माउई बेटावरून 14 हजारांहून अधिक लोकांना सुरक्षित स्थळी हलवण्यात आले आहे. ज्या लोकांना वाचवण्यात आले आहे त्यांना हवाईमधील इतर ठिकाणी पाठवण्यात आले आहे.

भारतातून पाठवलेला एक 150 वर्षांचा वटवृक्ष आणि अमेरिकेतील सर्वात मोठा वटवृक्ष आज आपल्या अस्तित्वासाठी लढा देत आहे. प्राणघातक वणव्याची आग माउईच्या हवाई बेटावर पसरली आहे. आगीमुळे अनेक इमारती बाधित झाल्या असून 67 हून अधिक लोकांचा मृत्यू झाला आहे. 46 देठ असलेल्या या वटवृक्षाला हवाईमध्ये पानियाना म्हणतात. 1873 मध्ये माउईवरील लहेना शहरात जेव्हा ते लावले गेले तेव्हा ते फक्त आठ फुटांचे रोपटे होते.