यंदा 'इकॉनॉमिस्ट इंटेलिजन्स युनिट' (EIU) ने २०२२ मधील जगातील टॉप १० सर्वोत्कृष्ट आणि १० सर्वात वाईट ठिकाणांचं ग्लोबल लिव्हॅबिलिटी इंडेक्स रँकिंग जाहीर केलंय. यात एकूण १७२ देशांचा समावेश आहे. यामध्ये संस्कृती, आरोग्य सेवा, शिक्षण, पायाभूत सुविधा, आणि मनोरंजन या श्रेणींवर आधारित जगातील चांगल्या आणि सर्वात वाईट शहरांची यादी जाहीर करण्यात आलीय. जाणून घेऊया या लीस्टमध्ये जगातील नेमक्या कोणत्या शहरांची नावं आहेत.

जगातील एकूण १७२ शहरांचा EIU कडून अभ्यास करण्यात आलाय. EIU म्हणजेच इकॉनॉमिस्ट इंटेलिजन्स युनिट कडून दरवर्षी संस्कृती, आरोग्य सेवा, शिक्षण, पायाभूत सुविधा , आणि मनोरंजन या श्रेणींचा आधार घेत जगातील राहाण्यास योग्य आणि राहाण्यास अयोग्य अशी यादी जाहिर करण्यात येते. यामध्ये भारताच्या शेजारील देश पाकिस्तानमधील कराची हे शहर सलग तिसऱ्यांना EIU च्या जाहीर लीस्टमध्ये राहाण्यास अयोग्य ठरलंय. बांग्लादेशमधील ढाका या शहराचा देखील यात समावेश आहे.

जगातील ही दहा शहरं ठरली राहाण्यास अयोग्य (सर्वाधिक वाईट)

देश आणि देशातील शहरं

इराण (Iran) - तेहरान (Tehran)

डौला (Douala) - कॅमेरून (Cameroon)

झिंबाब्वे (Zimbabwe) - हरारे (Harare)

बांग्लादेश (Bangladesh) - ढाका (Dhaka)

पीएनजी (PNG) - पोर्ट मोरेस्बी (Port Moresby)

पाकिस्तान (Pakistan) - कराची (Karachi)

अल्गेरिया (Algeria) - अल्गीयर्स (Algiers)

लीब्या (Libya) - त्रीपोली (Tripoli)

नायगेरिया (Nigeria) - लागोस (Lagos)

सिरिया (Syria) - दमास्कस (Damascus)

सर्वात वाईट यादीतील शहरांमध्ये काही गंभीर सामाजिक समस्या आणि सुरक्षेचा प्रश्न समान दिसतो. उदाहरणार्थ, निर्देशांकाने असे म्हटले आहे की, सूचीतील दमास्कसचे स्थान कदाचित सीरियन शहरावर परिणाम करणाऱ्या सामाजिक अशांतता, दहशतवाद आणि संघर्षाचा परिणाम आहे.