हैती : कॅरेबियन देश हैतीमधील कॅप हैतीयन या शहरात मंगळवारी तेलाचा टॅंकर उलटून अपघात झाला. टॅंकरमधील तेल लूटण्यासाठी लोकांची गर्दी जमा झाली पण अचानक या टॅंकरचा स्फोट होऊन या दुर्घटनेत जवळपास ६० लोकांचा मृत्यू झाल्याची माहीती न्युयार्क टाईम्स वृत्तसंस्थेने दिली आहे.

कॅप हैतीयन च्या महापौराने सांगितले की ''मी ५० लोकांचे मृतदेह जळताना पाहिले आहेत. त्या लोकांची ओळख पटवणे अवघड आहे.'' त्यांच्या म्हणण्यानुसार रस्त्याने वेगाने जात असलेला टॅंकर उलटला आणि यातील तेल गोळा करण्यासाठी लोकांची झुंबड उडाली आणि त्यादरम्यान टॅंकरचा स्फोट झाला. तसेच हैतीचे पंतप्रधान एरिल हैंरी म्हणाले की ६० लोकं मृत्यू पावल्याचे दु:ख आहे. या घटनेमुळे त्यांनी देशात तीन दिवसांचा राष्ट्रीय शोक घोषित केला आहे.

आगीत २० पेक्षा जास्त घरे जळाली

तेल लूटीच्या दरम्यान लागलेल्या आगीत जवळपास २० पेक्षा अधिक घरे जळाली आहेत, घरातील लोकांचासुद्धा होरपळून मृत्यू झाला आहे. हैतीमध्ये तेलमाफीया सक्रीय असून लाईटच्या कमतरतेमुळे राजधानीतसुद्धा काही तासंच लाईट राहते.