बिश्केक (किर्गिझस्तान) : मध्य आशियातील किर्गिझस्तान देशात हिमस्खलनाचा व्हिडिओ सध्या सोशल मीडियावर प्रचंड व्हायरल होत आहे. हा व्हिडीओ तियान शान पर्वतरांगेतील असल्याचं समोर आलं असून काळजात धडकी भरवणारा व्हिडीओ हॅरी शिमिन यांनी शूट केल्याची माहिती मिळत आहे. तियान शान पर्वतरांगेवर काही लोक ट्रेकिंगसाठी आले असताना हा प्रकार घडला आणि त्याचवेळी हा क्षण कॅमेऱ्यात टिपला आहे.

(Avalanche Viral Video)

मिळालेल्या माहितीनुसार, कझाकस्तानमधील तियान शान पर्वतरांगेत ट्रेकिंगसाठी 9 ब्रिटीश आणि 1 अमेरिकन पर्यटक गेले होते. यावेळी मोठ्या प्रमाणावर हिमस्खलन झाले. या हिमस्खलनाचा व्हिडिओ हॅरी शिमिन या पर्यटकाने धाडसाने शूट केला. हॅरी शिमिन हे आपल्या ग्रुपपासून दूर काही फोटो काढण्यासाठी गेले होते त्यावेळी त्यांच्यासोबत हा प्रसंग घडला आहे. सुदैवाने ट्रेकिंगला गेलेला संपूर्ण गट या घटनेतून बचावला आहे. पण या घटनेत एका महिला ट्रेकरच्या गुडघ्याला जखम झाली असून घोड्यावरून तिला हॉस्पिटलमध्ये दाखल करण्यात आल्याची माहिती आहे.

"मी फोटो काढण्यासाठी ट्रेकिंग ग्रुप पासून काही अंतरावर गेलो होतो तेव्हा मला मोठ्या प्रमाणावर भूस्खलन होताना दिसलं आणि मी ते कॅमेऱ्यात टिपलं. पण त्या ठिकाणाहून काही मिनीटांपूर्वी गेलो होतो. दर आम्हाला थोडाजरी उशीर झाला असता तर आम्ही सगळे आज जिवंत राहिलो नसतो." असं व्हिडीओ शूट केलेले हॅरी शिमिन यांनी सांगितलं आहे.