अबुधाबी : संयुक्त अरब अमिरातीची (युएई) राजधानी अबुधाबीमध्ये आता हिंदी ही अधिकृत भाषा असेल. अबुधाबी कोर्टाने घेतलेला हा ऐतिहासिक निर्णय असून अरबी व इंग्रजी भाषेनंतर आता हिंदी ही भाषा न्यायालयीन भाषा म्हणून वापरता येईल. अबुधाबीमध्ये हिंदी भाषिकांची संख्या मोठ्या प्रमाणात असल्याने हा निर्णय घेतल्याचे अबुधाबीच्या न्यायविभागाने सांगितले.
अबुधाबीमध्ये हिंदी भाषिकांचे प्रमाण जास्त आहे. लवकरात लवकर न्याय मिळवून देण्याच्या दृष्टीने हिंदी भाषेचा समावेश करणे गरजेचे होते. अबुधाबीच्या न्याय विभागाने सांगितले की, नोकरीच्या प्रकरणांमध्ये हिंदी भाषेचा अरबी व इंग्रजीनंतर वापर करण्यात येईल. हिंदी भाषेचा समावेश न्यायालयासमोर होणाऱ्या सुनावणीसाठी केला जाईल. खटल्याची प्रक्रिया, अधिकार, कर्तव्य याबाबत माहिती हिंदी भाषिकांना मिळावी यासाठी हा निर्णय घेण्यात आल्याचे न्याय विभागाने सांगितले.
युएईमध्ये परदेशी नागरिकांची सर्वाधिक असते. भारतीयांची संख्या 26 लाखाच्या आसपास आहे. हिंदी भाषेचा समावेश करण्याबरोबरच अबुधाबीच्या न्यायिक विभागात अधिकृत वेबसाईटच्या माध्यमातून नोंदणीची सुविधा उपलब्ध करून देण्यात आली आहे. न्याय विभागाचे अंडर सेक्रेटरी युसूफ सईद अल आबरी यांनी सांगितले की, आम्ही आमची न्यायप्रक्रिया पारदर्शी करूत आहेत, त्यासाठी हा निर्णय घेण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.