पाकिस्तानच्या संसदेत अविश्वास प्रस्तावावर मतदान करण्यापूर्वी इम्रान खान (Imran Khan) यांनी विरोधकांसमोर तीन अटी ठेवल्या आहेत. इम्रान खान यांनी मतदानासाठी तीन अटी ठेवल्याचा दावा पाकिस्तानी मीडियाने केला आहे. इम्रान खान यांना खुर्ची गमावल्यानंतर अटकेची भीती सतावत आहे. अशा स्थितीत पद सोडल्यानंतर अटक करू नये, अशी पहिली अट इम्रान खान यांनी ठेवली आहे. (Imran Khan fears arrest)

पाकिस्तानी (Pakistan) मीडिया जिओ टीव्हीनुसार, इम्रान खान यांनी अविश्वास प्रस्तावापूर्वी विरोधकांसमोर तीन अटी ठेवल्या आहेत. इम्रान खान यांची पहिली अट आहे की, पद सोडल्यानंतर त्यांना अटक करू (Imran Khan fears arrest) नये. दुसरी अट म्हणजे त्याच्यावर एनबीएअंतर्गत गुन्हा दाखल करू नये. तिसरी अट म्हणजे विरोधी पक्षाने शाहबाज शरीफ यांना त्यांच्यानंतर पाकिस्तानचे नवे वझीर-ए-आझम बनवू नये. शाहबाज व्यतिरिक्त अन्य कोणाला तरी पंतप्रधान करावे. मात्र, या प्रकरणी इम्रान खान यांच्या अटींवर विरोधकांनी कोणतेही उत्तर दिलेले नाही.

मंत्र्यांनी बदलले ट्विटर बायो

इम्रान खान (Imran Khan) सरकारचे केंद्रीय माहिती आणि कायदा मंत्री फवाद चौधरी यांनी त्यांचे ट्विटर बायो बदलले आहे. त्यांनी आता स्वत:चे माजी केंद्रीय माहिती आणि कायदा मंत्री म्हणून वर्णन केले आहे. फवाद चौधरी यांच्यासोबतच पाकिस्तानचे परराष्ट्र मंत्री शाह मेहमूद कुरेशी यांनीही त्यांचे ट्विटर बायो बदलून स्वतःचे माजी परराष्ट्र मंत्री म्हणून वर्णन केले आहे.