नवी दिल्ली- भारताने पाकिस्तानचे पंतप्रधान इम्रान खान यांना आपले हवाई क्षेत्र वापरण्याची परवानगी दिली आहे. इम्रान खान पुढील आठवड्यात मंगळवारी आपल्या काही मंत्र्यांसोबत आणि अन्य प्रतिनिधींसोबत दोन दिवसांच्या श्रीलंका दौऱ्यावर जात आहेत. यासाठी त्यांना भारतीय हवाई क्षेत्राचा वापर करण्याची आवश्यकता होती. भारताने यासाठी परवानगी दिली आहे. एएनआय या वृत्तसंस्थेने यासंदर्भातील वृत्त दिलं आहे.
विशेष म्हणजे 2019 मध्ये पंतप्रधान नरेंद्र मोदी यांनी अमेरिका आणि सौदी अरेबियाच्या दौऱ्यासाठी पाकिस्तानकडे हवाई क्षेत्र वापरु देण्यासाठी परवानगी मागितली होती. पण, पाकिस्तानचे पंतप्रधान इम्रान खान यांनी यासाठी नकार दिला होता. पाकिस्तानने जम्मू-काश्मिरमध्ये होणाऱ्या मानवाधिकार उल्लंघनाचा आरोप करत मोदींच्या हवाई क्षेत्र वापराला परवानगी नाकारली होती.
मीडियामध्ये आलेल्या माहितीनुसार, इम्रान खान यांचे राष्ट्रपती गोटबाया राजपक्षे आणि पंतप्रधान महिंदा राजपक्षे यांच्यासोबत द्विपक्षीय भेटीचा कार्यक्रम आहे. यादरम्यान व्यापार, गुंतवणूक, आरोग्य, शिक्षण, कृषी, तंत्रज्ञान, संरक्षण आणि पर्यटनासंबंधी मुद्द्यांवर चर्चा होणार आहे. पाकिस्तानच्या परराष्ट्र विभागाने सांगितलं की, राजपक्षे यांच्या निमंत्रणामुळे इम्रान खान अधिकारिकरित्या श्रीलंकेला जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.