भारतामध्ये राहणारा न्यूझीलंडच्या युट्यूबर कार्ल रॉक सध्या पाकिस्तानातील विविध भागांत, शहरात फिरत आहे. भारतातील प्रत्येक राज्यात प्रवास करणाऱ्या कार्ल रॉक यानं यावेळी आपला मोर्चा पाकिस्तानकडे वळवला आहे. पाकिस्तानमधील एकापेक्षा एक अशा ऐतिहासिक वास्तूंचा वेध तो आपल्या व्हिडिओतून घेत आहे. प्रसिद्ध युट्यूबर कार्ल रॉक यानं आपल्या नवीन व्हिडिओत पाकिस्तानमधील प्राचिन अशा राम कुंड मंदिर आणि त्याबाबतची माहिती सांगितली आहे. कार्ड रॉक याची ही कहाणी पाकिस्तानसह जगभरातील युट्यूबर पाहणाऱ्यांच्या पसंतीस उतरत आहे.  

कार्ल रॉक यानं आपल्या व्हिडिओच्या सुरुवातीलाच राम मंदिराबाबतचा अनुभव आणि ते मंदिर नेमकं कुठं आहे. याची माहिती आणि इतिहास सांगितला आहे. कार्लनं आपल्या व्हिडिओत म्हणतोय, 'नमस्‍ते, सलाम वालेकुम मित्रांनो!' हा व्हिडीओ आपल्या कुटुंबासाठी केल्याचं कार्लनं म्हटलं आहे.  भारतीय मुलीसोबत लग्न करणारा कार्ल २०१३ पासून भारतात वास्तव्यास आहे. त्याच्या पत्नीचं नाव मनीषा मलिक असं आहे. मनिषा हरियाणाची राहणारी आहे.  

पाहा व्हिडिओ -

पाकिस्‍तानमधील सैदपुर कस्‍बे येथील डोंगराच्या आणि निसर्गाच्या सानिध्यात राम कुंड मंदिर आहे. भगवान राम वनवासाच्यावेळी माता राम आणि भाऊ लक्ष्मणासोबत येथे वास्तव्यास असल्याचं म्हटलं जात असल्याचं कार्लनं आपल्या व्हिडीओत म्हटलेय.