मेलबर्नमध्ये क्वाड (Quad) ग्रुपच्या सदस्य देशांच्या परराष्ट्र मंत्र्यांच्या बैठक नुकतीच पार पडली. या बैठकीनंतर व्हाईट हाऊसने म्हटले आहे की भारत हे क्वाडला पुढे नेण्याकरीता विकासाचे इंजिन आणि प्रेरक शक्ती आहे. भारत, अमेरीका (America), जपान (Japan) आणि ऑस्ट्रेलिया (Australia) हे क्वाडचे सदस्य देश आहेत.

व्हाईट हाऊसच्या (White House) मुख्य उप प्रेस सचिव कैरीन जीन-पियरे (Karine Jean-Pierre) म्हणाल्या, "आम्हाला माहिती आहे की भारत हा समविचारी भागीदार आहे,दक्षिण आशिया आणि हिंदी महासागर यामध्ये अग्रणी आहे, दक्षिण पूर्व आशियामध्ये सक्रिय आणि त्यांच्याशी जुळवून आहे.क्वाडला समोर नेण्याकरीता विकासाचे इंजिन आहे.”

सोबत मेलबर्न मध्ये झालेल्या बैठकीवर कैरीन जीन-पियरे यांनी भाष्य केले. "युक्रेन (Ukraine) मध्ये सुरू असलेल्या रशियाच्या संकटावर चर्चा करण्याची ही एक संधी होती. त्यांनी रशियाकडून युक्रेनलाच नाही तर जगाच्या सुरक्षिततेच्या आणि समृद्धीच्या आधार असलेल्या आंतरराष्ट्रीय नियमांवर आधारित असलेल्या धोक्याची चर्चा केली.