China Condemns U.S. Tariff Move Against India: अमेरिकेचे राष्ट्राध्क्ष डोनाल्ड ट्रम्प यांनी भारतावर अतिरिक्त २५ टक्के टॅरिफची बुधवारी घोषणा केली. त्यामुळे भारतावर आता एकूण ५० टक्के टॅरिफ झाला आहे. ट्रम्प यांच्या निर्णयावर आता आंतरराष्ट्रीय पातळीवरही प्रतिक्रिया उमटत आहेत. रशिया नंतर आता चीनकडूनही ट्रम्प यांच्या या निर्णयावर तीव्र प्रतिक्रिया उमटली आहे.
चीनच्या परराष्ट्र मंत्रालयाचे प्रवक्ते गुओ जियाकुन यांनी अमेरिकेच्या या निर्णयास व्यापारी नियमांचा गैरवापर असल्याचे म्हटले आहे. तसेच त्यांन असंही म्हटले आहे की, चीनने नेहमीच टॅरिफच्या गैरवापराला विरोध केला आहे आणि यावरील आमची भूमिका स्पष्ट आणि कायमची आहे.
अमेरिकेने रशियन तेल आयातीसाठी फक्त भारतावरच एकूण ५० टक्के टॅरिफ लादला आहे, तर चीनवर ३० टक्के आणि तुर्कीवर फक्त १५ टक्के टॅरिफ आहे. भारताने या भेदभावावर तीव्र प्रतिक्रिया व्यक्त केली आहे. परराष्ट्र मंत्रालयाने ट्रम्प यांच्या निर्णयाला अत्यंत दुर्दैवी म्हटले आहे. तसेच अमेरिकेने असे पाऊल उचलले हे दुःखद आहे, तर इतर अनेक देशही भारताप्रमाणेच राष्ट्रीय हितासाठी असेच करत आहेत, असंही दाखवून दिलं आहे.
दरम्यान, चीनचं अमेरिकेबाबतची ही प्रतिक्रिया अशावेळी समोर आली आहे, जेव्हा पंतप्रधान नरेंद्र मोदी हे गलवानमधील भारत आणि चीन यांच्यातील संघर्षानंतर आता पहिल्यांदाच चीन दौऱ्यावर जाणार आहेत. याशिवाय, दुसरीकडे या वर्षअखेरीस रशियाचे राष्ट्राध्यक्ष पुतीन हे देखील भारतात येणार आहेत. एकूणच रशिया आणि चीन सारखे बलाढ्य देश हे भारताची बाजू घेत असल्याने, आता अमेरिकेचा अधिकच तीळपापड होणार असंच दिसत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.