न्यूयॉर्क : अमेरिकेतील न्यूजर्सी येथे 16 वर्षांच्या मुलाने भारतीय वंशाचे सुनील एडला (वय 61) यांची गोळ्या घालून हत्या केली. ही घटना गुरुवारी (ता. 15) रात्री घडली. एडला हे मूळचे तेलंगणमधील मेदक येथील रहिवासी होते. आईचा 95 वा वाढदिवस व नाताळानिमित्त ते लवकरच भारतात येणार होते.
सुनील एडला हे अटलांटिक काउंटी येथे 30 वर्षांपासून राहत होते. अटलांटिक शहरातील कंपनीत ते काम करीत होते. रात्रपाळी करण्यासाठी गुरुवारी ते कार्यालयात निघाले होते. रात्री आठच्या दरम्यान घराबाहेर आल्यानंतर संबंधित मुलाने त्यांच्यावर गोळ्या झाडल्या. यात त्यांचा जागीच मूत्यू झाला. मारेकरी त्यांची मोटार घेऊन पळून गेला होता. एग हार्बर शहरातून आरोपीला शनिवारी (ता. 17) अटक करण्यात आली. तो अल्पवयीन असल्याने त्याचे नाव प्रसिद्ध करण्यात आलेले नाही, अशी माहिती अटलांटिक काउंटीचे सरकारी वकील डी. जी. टाईनर यांनी दिली.
गेल्या वर्षी फेब्रुवारी महिन्यात भारतीय अभियंता श्रीनिवास कुचिभोतला याची अमेरिकेत गोळ्या झाडून हत्या करण्यात आली होती. या दुर्घटनेनंतर अमेरिकेत राहणाऱ्या तेलुगू ख्रिस्ती समुदायाने शोक व्यक्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.