भारताची स्वदेशी कोरोना लस आता थेट उत्तर अमेरिकेपर्यंत पोहोचली आहे. हैदराबादस्थित भारत बायोटेक कंपनीने यूएस आणि कॅनडासाठी ऑक्युजेन (Ocugen Inc) कंपनीशी करार केला आहे. ज्या अंतर्गत व्यापारीकरण कराराला हिरवा सिग्नल मिळाला आहे. याव्यतिरिक्त, स्वदेशी कोरोना लस Covaxin ला देखील मेक्सिकोमध्ये मान्यता देण्यात आली आहे.

मेक्सिकोचे परराष्ट्र सचिव मार्सेलो एब्रार्ड यांच्याशी दिल्लीत झालेल्या बैठकीनंतर ही माहिती देताना बोर्डाचे अध्यक्ष डॉ. शंकर मुसुनुरी म्हणाले की, मेक्सिकोमध्ये कोवॅक्सिनचे व्यावसायिकीकरण करण्यासाठी ते उत्साहित आहेत कारण तेथील अधिकाऱ्यांनी कोरोना साथी विरुद्धच्या लढ्याला सर्वोच्च प्राधान्य दिले आहे.

ते म्हणाले की, सध्या 2 ते 18 वर्षे वयोगटातील मुलांमध्ये आपत्कालीन वापरासाठी कोवॅक्सिनचा वापर करण्यास परवानगी देण्याचा प्रस्तावही विचाराधीन आहे. या कामगिरीसाठी त्यांनी भारत बायोटेक कंपनीचे आभार मानले.

नवी दिल्लीतील इंडियन कौन्सिल ऑफ मेडिकल रिसर्च (ICMR) आणि पुणे येथील नॅशनल इन्स्टिट्यूट ऑफ व्हायरोलॉजी (NIV) यांच्या संयुक्त विद्यमाने कोवॅक्सिन शोधणारी कंपनी, भारत बायोटेकचे अध्यक्ष आणि व्यवस्थापकीय संचालक डॉ. कृष्णा एला यांनी सांगितले की, युनायटेड स्टेट्स आणि कॅनडा सह मेक्सिकोसाठी, ओक्यूजेन कंपनीसोबत भागीदारी केली आहे. तसेच ते म्हणाले की कोवॅक्सिन ही सर्व वयोगटांसाठी सुरक्षित आणि प्रभावी लस आहे. जागतिक स्तरावर वैज्ञानिक तपासण्यासह याबद्दल डेटा देखील आहे. ते म्हणाले की, आता उत्तर अमेरिकेत कोवॅक्सिनच्या व्यावसायिक उत्पादनाच्या दिशेने तंत्रज्ञानाच्या हस्तांतरण संबंधीत कामाला गती दिली जाईल.