Israel-Gaza Conflict: विश्वातील एकमेव जीव देश असलेल्या इस्रायलवर आज सकाळी गाझा पट्टीतुन रॉकेट 'हल्ला' करण्यात आला. यावेळी तब्बल ५ हजार रॉकेट इस्राईलवर डागण्यात आले. यावेळी रहिवाशी भागात आग लागल्याने संपूर्ण राहवासी भाग हा लाल दिसत आहे. पॅलेस्टाईनची अतिरेकी संघटना हमासने या हल्ल्याची जबाबदारी स्वीकारली आहे.

एकीकडे हमासने गाझा पट्टीतून इस्रायली शहरांवर मिसाईलचा वर्षाव केला आहे. तर दुसरीकडे गाझा पट्टीतून त्याच्या दहशदवाद्यांनी इस्रायली शहरांमध्ये घुसून शहरावर हल्ला केला. यावेळी त्यांनी बेधुंद गोळीबार केला.

मात्र ही अतिरेकी संघटना नक्की इस्रायलवर हल्ले का करत आहे? असा प्रश्न तुम्हाला पडला असेलच. हमास आणि इस्राईल संघर्षाचा इतिहास किमान ७५ वर्षांपासूनचा आहे. हा संपूर्ण वाद वेस्ट बँक, गाझा पट्टी आणि गोलन हाइट्स यांसारख्या भागांवरून आहे. पूर्व जेरुसलेमसह या भागांवर पॅलेस्टाईनचा दावा आहे. मात्र इस्रायल जेरुसलेमवरील आपला दावा सोडायला तयार नाहीये

गाझा पट्टी सध्या हमासच्या ताब्यात आहे. २००५ साली इस्राईलने गाझा पट्टीवरुन आपले सैन्य मागे घेतले. मात्र पुढे २००७ला या भागावर मोठ्या प्रमाणावर निर्बंध लादले. अश्यावेळी वेस्ट बँक आणि गाझा पट्टीमध्ये स्वतंत्र पॅलेस्टाईन राज्य स्थापन करावे, अशी पॅलेस्टाईनची मागणी आहे, जी इस्रायलला मान्य नाही. यामुळे हा संघर्ष उफाळला आहे. आता हमासने इस्राईलवर हल्ला केला आहे.आणि ही हमासची खप मोठी चूक असून याला आम्ही उत्तर देऊ असे इस्राईलने सांगितले आहे.