पॅलेस्टिनी दहशतवादी संघटना हमासने शनिवारी पहाटे इस्रायलवर मोठा हल्ला केला. या हल्ल्यात हमासने इस्त्राइलवरती जवळपास 5,000 रॉकेट डागले या हल्ल्यात किमान 200 लोकांचा मृत्यू झाला आहे. तर हजारो लोक जखमी झाले आहेत. हमासच्या हल्ल्यानंतर इस्रायलला जगभरातील देशांकडून पाठिंबा मिळत आहे. दरम्यान या हल्ल्यानंतर इस्त्राइलने 'स्टेट ऑफ वॉर' घोषित केले असून दहशतवाद्यांना प्रत्युत्तर देणे सुरू केले आहे.

सध्या या युद्धपरिस्थितीकडे सध्या संपूर्ण जगाचे लक्ष लागले आहे. यादरम्यान एका भीषण व्हिडीओ समोर आला असून या व्हिडीओमध्ये गाझामधील पॅलेस्टाईन टॉवरवर झालेला क्षेपणास्त्र हल्ल्याचा व्हिडीओ कैद झाला आहे.

विशेष बाब म्हणजे, अल जझीराची रिपोर्टर युमना अल सय्यद या शनिवारी (७ ऑक्टोबर) घटनास्थळावरून रिपोर्टींग करतो होत्या. तेव्हा त्यांच्या बरोबर मागे हा क्षेपणास्त्र हल्ला झाला. हमासने केलेल्या हल्ल्यानंतर इस्त्राइलच्या लष्करातील लढाऊ विमानांनी सोडलेल्या क्षेपणास्त्राने इमारत उडवून लावल्याचे भयानक दृश्य या व्हिडीओमध्ये कैद झाला आहे. या व्हिडीओमध्ये रिपोर्टर गाझामधील सध्याच्या परिस्थितीचा आढावा टीव्हीवर लाईव्ह देत होती.