Israel Palestine Conflict : इस्त्राइल आणि दहशतवादी संघटना हमास यांच्यात संघर्ष पेटला आहे. हजारो क्षेपणास्त्रांनी हल्ला करण्यात आल्यानंतर इस्त्राइलकडून देखील प्रत्युत्तर दिलं जात आहे. यादरम्यान इस्त्राइली लष्कराला मोठं यश मिळालं आहे. इस्त्राइलच्या सैन्याने हमासच्या नौदल कमांडर मोहम्मद अबु अली आला ताब्यात घेतले आहे.

इस्त्राइलचं हमासला जोरदार प्रत्युत्तर

मोहम्मद अबु अली अबु अली याच्या ब्रिगेडनेच इस्त्राइली म्यूझिक फेस्टिव्हलवरती हल्ला केला होता. यानंतर इस्त्राइलच्या हवाईदलाने त्याच्या इमारतीवर बॉम्ब टाकले होते. येथेचे राहून हमासचे बडे कमांडर युद्धाचे नेतृत्व करत होते.

या युद्धाच दहशतवादी संघटनेच्या अनेक ऑपरेशनल मुख्यालयांवर देखील बॉम्ब टाकण्यात आले आहेत. हमासचा कमांडर मोहम्मद कास्ता याच्या ठिकाणांवर देखील एअरफोर्सने बॉम्ब टाकले होते. या हल्ल्यात तो ठार झाला. तो हमासच्या नौदलाशी संबंधीत होता. यानंतर इस्त्राइली सैन्याने हमासच्या नौदलाचा कमांडर मुहम्मद अबु अली याला देखील ताब्यात घेतले आहे.

इस्रायली हवाई दलाने माहिती दिली आहे की याशिवाय जबालिया भागात हमासची एक ऑपरेशनल इमारत देखील उडवण्यात आली आहे जी मशिदीच्या मध्ये होती. हमासच्या गुप्तचर विभागाकडून वापरण्यात आलेली एक इमारत देखील इस्रायली हवाई दलाने जमीनदोस्त केली.

हजारहून अधिक मृत्यू

युद्धाच्या दुसऱ्या दिवशी इस्त्राइली सेना आणि हमास यांच्यामध्ये जागोजागी चकमकी झाल्या. इस्त्राइलवर करण्यात आलेल्या भीषण हल्ल्यात इस्त्राइली सैन्यासह ७०० लोकांचा मृत्यू झाला आहे तर १,९०० हून अधिक जण जखमी झाले आहेत. उत्तरादाखल गाझा पट्टीत इस्त्राइलने केलेल्या हल्ल्यात ४५० हून अधिक लोक ठार झाले आहेत तर तब्बल २,३०० जखमी झाले आहेत. यामुळे एकूण मृतांचा आकडा १००० हून अधिक झाला आहे.