Khalistan: कॅनडा मध्ये भारताविरोधात आंदोलन करणाऱ्या खलिस्तान्यांचा चांगलाच फ्लॉप शो झाल्याचे पाहायला मिळाले. कॅनडाच्या राजधानी असलेल्या वैंकूवरमध्ये खलिस्तान समर्थक रॅलीला खूप कमी प्रमाणावर नागरिक उपस्थित असल्याचे पाहायला मिळाले. यावेळी आंदोलकांनी  जस्टिन ट्रूडो यांचेही आभार मानले असल्याचे बोलले जात आहे.

मिळालेली माहिती अशी की, खलिस्थानाच्या समर्थनार्थ आयोजित रॅलीमध्ये केवळ 25 लोक उपस्थित होते. निज्जर याच्या हत्येप्रकरणी भारताच्या निषेधार्थ हा मोर्चा काढण्यात आला. sikh for justice म्हणजे एस.ए. जे यांनी कॅनडातील अनेक शहरांमध्ये रॅली काढण्याचे आवाहन केले होते.

भारतीय वाणिज्य दूतावासा बाहेर फक्त 20 ते 25 लोक पोहोचले होते. खलिस्तान समर्थकांनी खलिस्तान सोबत कॅनडाचा झेंडा फडकवला. यावेळी हातात फलक ही होते. ज्यामध्ये पंतप्रधान जस्टिन ट्रूडो यांचे आभार मानले जात होते.

यात महत्त्वाची बाब म्हणजे, खलिस्तान आणि आंदोलकांपेक्षा पत्रकार आणि पोलिसांची गर्दी यावेळी जास्त होती. शंभर आंदोलक असल्याचा दावा केला जात आहे. मात्र प्रत्यक्षदर्शींच्यामते केवळ 25 लोक या ठिकाणी होते.