खलिस्तान समर्थकांनी रविवारी सॅन फ्रान्सिस्कोमधील भारतीय दूतावास पेटवण्याचा प्रयत्न केला होता. स्थानिक माध्यमांनी याबाबत वृत्त प्रसिद्ध केले होते. यानंतर आता अमेरिकेने या प्रकाराचा जाहीर निषेध केला आहे. सॅन फ्रान्सिस्को फायर डिपार्टमेंटने वेळीच कारवाई करत ही आग शमवली होती.
एका वृत्तवाहिनीने याबाबतचा व्हिडिओ ट्विटरवर शेअर केला आहे. रविवारी पहाटे हा सर्व प्रकार घडल्याचं यात म्हटलं आहे. हा व्हिडिओ खलिस्तान समर्थकांनी शेअर केल्याचं या ट्विटमध्ये म्हटलं आहे. या व्हिडिओत एक व्यक्ती इमारतीला आग लावताना दिसत आहे. खलिस्तानी नेत्यांच्या हत्येचा सूड घेण्यासाठी हे कृत्य केल्याचं यातून दिसून येतंय.
यानंतर अमेरिका सरकारचे प्रतिनिधी मॅथ्यू मिलर यांनी या प्रकाराचा निषेध केला आहे. "सॅन फ्रान्सिस्कोमधील भारतीय दूतावासावर झालेल्या कथित हल्ल्याचा अमेरिका जाहीर निषेध करते. विदेशी संपत्तीचे नुकसान करणे किंवा विदेशी अधिकाऱ्यांवर हल्ला करणे या दोन्ही गोष्टी अमेरिकेत फौजदारी गुन्हा आहे." अशा आशयाचं ट्विट मॅथ्यू यांनी केलं आहे.
मार्चमध्येही झाला होता हल्ला
यापूर्वी मार्च महिन्यात देखील खलिस्तान समर्थकांनी सॅन फ्रान्सिस्कोमध्ये भारतीय दूतावासावर हल्ला केला होता. यावेळी खलिस्तान समर्थक घोषणा देत काही आंदोलक दूतावासामध्ये शिरले होते. तसेच, दूतावासाच्या परिसरात त्यांनी खलिस्तानी झेंडेदेखील फडकावले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.