लंडन - फ्रान्समध्ये कोरोनाची तिसरी लाट आल्याने राजधानी पॅरिसमध्ये महिनाभराचा लॉकडाउन लागू केला आहे. पॅरिससह देशातील अन्य १५ शहरातही शुक्रवारी मध्यरात्रीपासून लॉकडाउन लागू केला गेला आहे. फ्रान्सचे पंतप्रधान जीन कॅस्टेक्सच्या यांनी नव्या लॉकडाउनचे नियम हे पूर्वीइतके कडक नसतील, असे स्पष्ट केले आहे. फ्रान्समध्ये गेल्या चोवीस तासात ३५ हजाराहून अधिक रुग्ण आढळून आले आहेत. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

फ्रान्समध्ये कोरोनाचा प्रसार वेगाने होत आहे. अनेक राज्यात वेगवेगळा स्ट्रेन पाहावयास मिळत असून ती तिसरी लाट असल्याचे सांगितले जात आहे. आयसीयू मध्ये कमी वयाच्या रुग्णांवर उपचार केले जात आहेत. देशातील १६ प्रांतात संसर्गाच्या प्रसाराला रोखण्यासाठी आवश्‍यक साधनांसह काही व्यवसाय आणि सेवा सुरु ठेवण्यास परवानगी दिली जात आहे. बालवाडी, शाळा सुरू ठेवण्यात येणार आहेत. यादरम्यान नागरिक फिरण्यासाठी बाहेर पडू शकतात, तसेच मैदानावर खेळूही शकतात. मात्र त्यासाठी वैद्यकीय प्रमाणपत्र बाळगावे लागणार आहे.घराच्या दहा किलोमीटर परिसरातच फिरण्याची मुभा असेल.

फिनलँड जगातील सर्वांत आनंदी देश; पाकिस्तानने भारताला टाकले मागे  

दुसरीकडे युरोपियन मेडिसीन एजन्सी (इएमए) यांनी क्लिनचिट दिल्यानंतर युरोपिय देशांत लवकरच ॲस्ट्राजेनेका-ऑक्सफर्डची कोरोना प्रतिबंधक लसीकरण मोहीम सुरू आहे. स्पेन, पोर्तुगाल, नेदरलँड, जर्मनी, इटली, फ्रान्स, लॅटव्हिया, लिथुआनिया, सायप्रससह अनेक देशात या लशीची मोहीम सुरू होत आहे. आयर्लंड आणि स्वीडनमध्ये आढावा घेतल्यानंतरच लसीकरण सुरू होणार आहे.

Edited By - Prashant Patil