कोलंबो : श्रीलंकेत गेल्या दोन महिन्यांपासून राजकीय वातावरण तापले होते. त्यानंतर आता पंतप्रधान महिंदा राजपक्षे यांनी आज अखेर आपल्या पदाचा राजीनामा दिला आहे. त्यामुळे आता पुन्हा एकदा विक्रमसिंगे हे पंतप्रधानपदाची शपथ घेणार आहेत. त्यांचा शपथविधी उद्या (रविवार) होणार असल्याची शक्यता व्यक्त केली जात आहे.
राष्ट्रपती मैत्रिपाल सिरीसेना यांनी आपल्या विशेष अधिकारांचा वापर करत 26 ऑक्टोबर रोजी तत्कालीन पंतप्रधान विक्रमसिंगे यांना पदावरून दूर केले होते. त्यानंतर महिंदा राजपक्षे यांनी पंतप्रधानपदाची लगेच शपथ घेतली. मात्र, विक्रमसिंगेंच्या समर्थकांनी या घटनेचा विरोध केला होता. तसेच श्रीलंकेतील संसदेत विक्रमसिंगे यांच्याविरोधात अविश्वास प्रस्ताव आणण्यात आला होता. संसदेत विक्रमसिंगेंनाच बहुमत मिळेल हे माहीत असल्यामुळे मैत्रिपाल सिरिसेना यांनी आपल्या अधिकारांचा वापर करत संसदच बरखास्त केली.
दरम्यान, गेल्या काही वर्षांत श्रीलंकेच्या संविधानात काही महत्त्वपूर्ण बदल करण्यात आले आहेत. यातील एक महत्त्वाची बाब म्हणजे राष्ट्रपतींचे अनेक विशेष अधिकार काढून घेण्यात आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.