लंगकावी (मलेशिया) - राजकीय वादातून मलेशियातील पाम तेलाची आयात न करण्याच्या भारताच्या निर्णयावर मलेशियाचे पंतप्रधान महातीर मोहंमद यांनी प्रतिक्रिया दिली असून, भारताच्या कृतीला व्यापारीमार्गाने आम्ही प्रत्युत्तर देणार नाही, असे त्यांनी म्हटले आहे.
भारताच्या अंतर्गत बाबींसदर्भात महातीर यांनी केलेल्या वक्तव्यानंतर मलेशियातून होणाऱ्या पाम तेलाच्या आयातीवर बहिष्कार टाकण्याचा निर्णय भारताने घेतला आहे. त्याचा फटका पाम तेलाचा जगातील दुसरा मोठा उत्पादक असलेल्या मलेशियाला बसू लागला आहे. भारताच्या कृतीबाबत प्रतिक्रिया देताना महातीर म्हणाले की, भारताला जशास तसे प्रत्युत्तर देण्यासाठी आम्ही आकाराने फार लहान देश आहोत. सध्याच्या परिस्थितीवर मात करण्यासाठी आम्हाला मार्ग शोधावे लागतील.
भारताने नुकतीच मंजुरी दिलेला सुधारित नागरिकत्व कायदा (सीएए) आणि काश्‍मीरसंदर्भातील धोरणांवर महातीर यांनी जोरदार टीका केली होती. मुस्लिम बहुसंख्य असलेल्या मलेशियाचे पंतप्रधान असलेल्या महातीर (वय ९४) यांच्या टीकेनंतर भारताकडून तीव्र प्रतिक्रिया देण्यात आली होती.
वादग्रस्त मुस्लिम धर्मोपदेशक झाकीर नाईकला कायमस्वरूपी मलेशियात वास्तव्याची परवानगी देण्याच्या निर्णयावरूनही भारत नाराज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.