आपण ज्या महिलेला डेट करत होतो, ती व्यक्ती तृतीयपंथी असल्याचं एका व्यक्तीने सांगितलं आहे. त्याने इंटरनेटवर ही गोष्ट शेअर करत मदतही मागितली आहे.

जोश नावाच्या एका व्यक्तीने नेटकऱ्यांना आपली शंका विचारली आहे. आपण आता आपल्या मनातल्या गोष्टी त्या महिलेला कशा सांगाव्यात, असा प्रश्न जोशला पडला आहे. जोशने सांगितलं की, तो या महिलेसोबत अनेकदा डेटवर गेला आहे आणि त्या दोघांनी एकमेकांसोबत चांगला वेळ घालवला आहे. मात्र त्यानंतर महिलेने जोशला सांगितलं की ती एक पुरुष म्हणून जन्माला आली होती.

'आजतक'ने दिलेल्या वृत्तानुसार, जोश म्हणाला की, पुरुषाने लिंगबदल करून महिला बनणं या गोष्टीचं आधी तो समर्थन करत नव्हता. मात्र, त्यानंतर त्याला जाणवलं की जोशलाही ती महिला आपल्या आयुष्यामध्ये हवी आहे. आपल्याला तिच्यासोबत एक वेगळाच बंध निर्माण झाल्याचं जाणवत आहे. तसंच आपण त्या महिलेकडे आकर्षित होत आहोत.

तो पुढे म्हणाला की, मी आता हे स्विकारलं आहे की ती एक महिला आहे. पण जेव्हा तिला मला काय आवडतं, काय नाही आवडतं हे सांगितलं, तेव्हा तिला थोडं अवघडल्यासारखं वाटतं. त्यानंतर ती मला म्हणाली की, मला वाटत नाही, आपलं नातं पुढे टिकेल. मी तिला सांगितलं होतं की, मला अशा प्रकारे पुरुषाने लिंगबदल करून स्त्री होणं मला पटत नाही. त्यानंतर तिने आपलं सत्य मला सांगितलं.

जोश पुढे म्हणाला की, तिला गमावण्याच्या भीतीने आपल्याला फार दुःख होतं. आता सत्य काय आहे ते मला कळलं आहे. आधीही मला अनेक ट्रान्स महिलांनी डेटिंगसाठी विचारलं होतं, पण मी त्यांना सतत रिजेक्ट करायचो. मला त्यांना स्विकारता यायचं नाही. पण आता या अनुभवानंतर माझे डोळे उघडले आणि मला असं वाटतंय की मी आधी ज्या महिलांना रिजेक्ट केलं, त्यावेळी मी चुकलो होतो.