नवी दिल्ली : कोरोना व्हायरसने जगभरात थैमान घातले आहे. या व्हायरसचा फटका 177 देशांना बसला आहे. तसेच कोरोनाग्रस्त रुग्णांच्या संख्येतही मोठी वाढ होत आहे. आत्तापर्यंत पावणे तीन लाखांहून अधिक रुग्णांना कोरोना व्हायरसची लागण झाली आहे. यातील मृतांचा आकडा झपाट्याने वाढत आहे. सध्या 11,385 जणांचा मृत्यू झाला आहे.
इटलीत गेल्या 24 तासात तब्बल 627 जण दगावले आहेत. मागील 19 दिवसात इटलीमध्ये 3950 जणांचा मृत्यू झाला आहे. स्पेनमध्येही मृतांचा आकडा एक हजारहून अधिक झाला आहे. गेल्या 13 दिवसात 1063 जणांचा मृत्यू झाला आहे. मात्र, कोरोनावर मात करुन 92 हजार रुग्ण बरेही झाले आहेत. तर सात हजारांहून अधिक रुग्णांची स्थिती अद्याप गंभीर बनली आहे.
भारतात कोरोनाचा फैलाव होण्याचा वेग इतर देशांच्या तुलनेत कमी असला तरी, तो थांबलेला नाही. भारतात कोरोनाग्रस्त रुग्णांची संख्या 200 पेक्षा अधिक झाली आहे. त्यात 32 परदेशी नागरिकांचा समावेश आहे. त्यामुळे देशात चिंतेचं वातावरण असलं तरी, केंद्र आणि राज्य सरकारने संसर्ग वाढू नये म्हणून, काही कठोर पावले उचलत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.