तुम्ही अनेकदा महिलांची विमानात, ट्रेनमध्ये किंवा प्रवासात डिलीव्हरी झाल्याचं ऐकलं असेल. पण न्यूझीलंडच्या एक खासदार प्रसुतीच्या कळा सोसत थेट सायकल चालवत रुग्णालयात पोहोचल्या.

त्यामुळे न्यूझीलंडच्या ग्रीनमधील या खासदाराने नेटिझन्सचं लक्ष वेधून घेतलंय. बाळाच्या जन्मासाठी या खासदार महिलेने सायकलस्वारी केली. खासदार ज्युली अ‍ॅन जेंटर यांनी यापूर्वी आपल्या पहिल्या मुलाच्या, जन्मावेळी असंच केलं होतं. यासंदर्भात त्यांनी फेसबुक आणि इंस्टाग्रामवर पोस्ट शेअर केली आहे. जेंटरने रविवारी पहाटे 3 वाजता तिला वेदना होऊ लागल्यानंतर सायकलवर हॉस्पिटल गाठलं.

जेंटरने एका सुंदर संदेशासह बातमी शेअर केली. "मोठी बातमी! आज पहाटे ३.०४ वाजता आम्ही आमच्या कुटुंबातील सर्वात नवीन सदस्याचे स्वागत केलं. मी खरंच प्रसूतीच्या काळात सायकल चालवण्याची योजना आखत नव्हतो, परंतु ते घडलंच. जेव्हा आम्ही मध्यरात्री 2 वाजता हॉस्पिटलला जाण्यासाठी निघालो, तेव्हा माझी परिस्थिती नॉर्मल होती. काही प्रमाणात वेदना सुरू झाल्या होत्या. मात्र सर्व नियंत्रणात असल्याने आणि रुग्णालयही घरापासून जास्त लांब नसल्याने सायकरवर जाण्याचा निर्णय घेतला.

आश्चर्याची गोष्ट म्हणजे आता आमच्या कुशीत एक निरोगी, आनंदी लहान मुलगी झोपली आहे. ती तिच्या वडिलांप्रमाणे दिसते, असं जेंटरने कॅप्शनमध्ये लिहिलं आहे.