डोमिनिकन रिपब्लिकमध्ये (Dominican Republic) भीषण विमान दुर्घटना (Plane Crash) घडली आहे. डोमिनिकन रिपब्लिकची राजधानी सेंटो डोमिंगोमध्ये एक खासगी विमान क्रॅश झालं. या दुर्घटनेत ९ जणांना प्राण गमवावे लागले आहेत. याबाबतचे वृत्त एअरलाइन्सच्या हवाल्यानं एफपी वृत्तसंस्थेनं दिलं आहे.

याबाबत मिळालेली माहिती अशी की, विमानातून ७ प्रवासी आणि २ क्रू मेंबर्स प्रवास करत होते. लास अमेरिकास आंतरराष्ट्रीय विमानतळावर विमानाला अपङात झाला. विमानाचे आपत्कालीन लँडिंग करताना ही दुर्घटना घडली. अपघातात मृत्यूमुखी पडलेल्यांमध्ये म्युझिक प्रोड्युसरसह सहा अमेरिकन नागरिकांचा समावेश आहे. शिवाय १३ वर्षीय लहान मुलाचाही या दुर्घटनेत मृत्यू झाला आहे.

फ्लोरिडाहून डोमिनिकन रिपब्लिकमधील ला इजाबेला इथं विमान निघाले होते. विमानाने उड्डाण केले पण काही कारणास्तव त्याचे इमर्जन्सी लँडिग करत असताना अपघात झाला आणि यात ९ जणांचा मृत्यू झाला आहे.