न्यूयॉर्क : जगभरात कोरोना व्हायरसने थैमान घातले आहे. कोरोनाग्रस्त रुग्णांची संख्या दिवसेंदिवस वाढत आहे. कोरोना व्हायरस अनेक देशांमध्ये धुमाकूळ घालत आहे. सध्या संपूर्ण जगात कोरोनाबधितांची संख्या साडेआठ लाखांपेक्षा जास्त झाली आहे. तर आतापर्यंत 42 हजारांहून अधिक जणांचा कोरोनाची लागण झाल्याने मृत्यू झाला आहे. त्यामुळे यावर लगाम लावण्यासाठी सर्वच देशांकडून प्रयत्न केले जात आहेत.
चीनपासून सुरुवात झालेल्या या कोरोना व्हायरसचा फैलाव जगभरात मोठ्या प्रमाणात होत आहे. अमेरिका आणि यूरोपमध्ये कोरोनाचे थैमान सुरूच असून, जगभरातही कोरोनाबधितांची संख्या सातत्याने वाढत आहे. कोरोनामुळे मृत्युमुखी पडणाऱ्यांचे प्रमाणही मोठे आहे. इटलीमध्ये सर्वाधिक कोरोनाग्रस्त रुग्णांचा मृत्यू झाला आहे. इटलीत मृतांचा आकडा 12 हजार 400 पेक्षा अधिक लोकांचा मृत्यू झाला आहे. इटलीत गेल्या 24 तासांत 837 जणांचा मृत्यू झाला आहे.
स्पेनमध्ये साडेआठ हजार जणांचा मृत्यू
स्पेनमध्ये कोरोनामुळे गेल्या 24 तासांत 748 जणांचा मृत्यू झाला असून, आतापर्यंत साडेआठ हजारपेक्षा जास्त रुग्णांचा मृत्यू झाला आहे. कोरोनाग्रस्तांचा आकडा 95 हजार 923 वर पोहोचला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.