नवी दिल्ली : जगभरात कोरोना व्हायरसचा प्रसार मोठ्या प्रमाणात होत आहे. त्यामुळे रुग्णांच्या संख्येतही दिवसेंदिवस वाढ होत आहे. अमेरिका, भारत, फ्रान्स, चीन, स्पेन, इटलीसह अनेक देशांना कोरोनाने विळखा घातला आहे. जगभरातील 36,60,471 नागरिकांना आत्तापर्यंत कोरोनाची लागण झाली आहे. तर यामध्ये 2,52,680 कोरोनाग्रस्त रुग्णांचा मृत्यू झाला आहे.
'वर्ल्ड मीटर्स'नुसार, जगभरात 36,60,471 नागरिकांना कोरोनाची लागण झाली आहे. यापैकी 2,52,680 जणांचा मृत्यू झाला. तर आतापर्यंत 12,03,874 कोरोनाबाधित रुग्णांवर यशस्वी उपचार करण्यात आले असून, त्यांना रुग्णालयातून डिस्चार्ज देण्यात आला आहे. जगभरात कोरोना व्हायरसचे रुग्ण आढळत असले तरी सर्वाधिक रुग्ण हे अमेरिकेत आहेत.
पुण्याच्या बातम्या वाचण्यासाठी येथे ► क्लिक करा
अमेरिकेत सर्वाधिक रुग्ण
कोरोनाग्रस्त रुग्णांची संख्या अमेरिकेत सर्वाधिक आहे. सध्या अमेरिकेतील 12,12,955 नागरिकांना कोरोनाची लागण झाली. तर आत्तापर्यंत अमेरिकेतील 69,925 कोरोनाबाधित रुग्णांचा मृत्यू झाला. याशिवाय 1,88,068 रुग्णांवर यशस्वी उपचार करण्यात आले आहेत. तसेच 16,050 कोरोनाग्रस्त रुग्णांची प्रकृती चिंताजनक आहे.
स्पेनमध्ये रुग्णसंख्या जातेय अडीच लाखांवर
स्पेनमधील तब्बल 2,48,301 नागरिकांना कोरोनाची लागण झाली आहे. अमेरिकेनंतर सर्वाधिक रुग्णसंख्या ही स्पेनमध्ये आढळत आहे. स्पेनमध्ये 25,428 कोरोनाग्रस्त रुग्णांचा मृत्यू झाला आहे. तर 1,51,633 कोरोनाबाधित रुग्णांवर उपचार करण्यात आले आहेत. सध्या या रुग्णांना रुग्णालयातून डिस्चार्ज देण्यात आला आहे.
सिंगापूरमध्ये 4800 भारतीयांना संसर्ग
सिंगापूरच्या वसतिगृहांमध्ये राहणाऱ्या परदेशी कर्मचाऱ्यांपैकी 4800 भारतीयांना कोरोनाची लागण झाली आहे. मात्र, त्यांच्यामध्ये कोरोनाची सौम्य लक्षणे आहेत, अशी माहिती देण्यात येत आहे. एप्रिलअखेर सिंगापूरमध्ये संसर्गाचे प्रमाण वाढले असून, त्यामध्ये भारतीयांची संख्या लक्षणीय आहे.
इटलीत रुग्णांच्या संख्येत पुन्हा वाढ
इटलीत कोरोनाग्रस्त रुग्णांच्या संख्येत पुन्हा वाढ झाली आहे. यापूर्वी कोरोनाग्रस्त रुग्णांची संख्या कमी होती. मात्र, आता ही रुग्णसंख्या 2,11,938 झाली आहे. तर 29,079 कोरोनाबाधित रुग्णांचा मृत्यू झाला. याशिवाय 82,879 रुग्णांवर यशस्वी उपचार करून त्यांना घरी सोडण्यात आले आहे.
चीनमध्ये रुग्णांची संख्या तुलनेने कमी
चीनमधून कोरोना व्हायरसचा प्रसार जगभरात झाला. पण आता चीनमध्ये 82,881 रुग्ण आढळले आहेत. मात्र, ही रुग्णसंख्या इतर देशांच्या तुलनेने कमी आहे. चीनमध्ये 4,633 रुग्णांचा कोरोनाची लागण झाल्याने मृत्यू झाला आहे. तर 77,853 रुग्णांवर उपचार करुन डिस्चार्ज देण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.