पॅरिस - दहशतवाद्यांना होणारा अर्थपुरवठा आणि हवाला व्यवहारांवर लक्ष ठेवणाऱ्या पॅरिसस्थित आर्थिक कृती पथकाने (एफटीएफ) पाकिस्तानला पुन्हा एकदा ग्रे लिस्टमध्ये ठेवण्याचा निर्णय घेतला आहे. 

पाकिस्तानने दहशतवाद्यांना होणारा अर्थपुरवठा वेळेत रोखला नाही तर त्याला काळ्या यादीमध्ये टाकण्यात येईल, असा इशारा या संघटनेकडून देण्यात आला आहे. 

‘एफटीएफ’च्या पाचदिवसीय खुल्या अधिवेशनामध्ये हा निर्णय घेण्यात आला. या संघटनेकडूनच अन्य वैश्‍विक वित्तीय संघटनांना देखील नोटीस पाठविण्यात आली असून, या संघटनांनी २०२० पर्यंत पाकिस्तानला केली जाणारी मदत थांबवावी, असा इशारा देण्यात आला.