पॅरिस : ओमिक्रॉन विषाणूचा (Omicron Variant) वाढत्या धोक्यामुळे जगभरातील सर्वच देश चिंतेत आहेत. त्यात काही दिवसांवर येऊन ठेपलेला इअर एंड (New Year Celebration ) यामुळे होणारी गर्दी लक्षात घेता, नवीन वर्षाच्या स्वगतासाठी पूर्वसंध्येला करण्यात येणारी आतषबाजी रद्द करण्याचा निर्णय पॅरिसमध्ये (Paris cancels New Year fireworks to limit spread of COVID-19) घेण्यात आला आहे. यामुळे दरवर्षी नववर्षाच्या पूर्वसंध्येला चॅम्प्स एलिसीज (Champs Elysees) मार्गावर आतषबाजीचा आनंद लुटण्यास जाणाऱ्या नागरिकांचा या निर्णयामुळे हिरोमोड झाला आहे.

दरवर्षी नवीन वर्षाच्या पूर्वसंध्येला पॅरिसमधील चॅम्प्स एलिसीज (Champs Elysees) मार्गावर नववर्षाच्या स्वागतासाठी मोठ्या प्रमाणात आतषबाजीचे (fireworks) आयोजन करण्यात येते. मात्र, कोरोनाचा नवा व्हेरिएंट ओमिक्रॉन (Omicron) रूग्णांची वाढती रूग्णसंख्या लक्षात घेता खबरदारीचा उपाय म्हणून यंदा होणाऱ्या आतषबाजी रद्द करण्याचा निर्णय तेथील प्रशासनातर्फे घेण्यात आला आहे.

फ्रान्सचे पंतप्रधान जीन कास्टेक्स (French Prime Minister Jean Castex) यांनी सांगितले की, नवीन वर्षाच्या पूर्वसंध्येला प्रमुख ठिकाणी होणाऱ्या सार्वजनिक पार्ट्या आणि फटाक्यांना बंदी घालण्यात आली आहे. तसेच सार्वजनिक ठिकाणी होणाऱ्या कार्यक्रमात सहभागी होण्यापूर्वी प्रत्येकाने कोरोना टेस्ट (Covid Test) करून घ्यावी, असे आवाहनदेखील करण्यात आले आहे.