लहान मुलांच्या लसीसंदर्भात अमेरिकेत जोरदार हालचाली सुरु आहेत. फायजरने बुधवारी अमेरिकन सरकारकडे ५ वर्षांपेक्षा कमी वयाच्या मुलांना लस देणं अधिकृत करण्याची मागणी केली आहे. जर याला सकारात्मक प्रतिसाद मिळाला तर मार्च महिन्याच्या सुरुवातीला लहान मुलांना डोस देण्यास सुरुवात केली जाईल. फूड अँड ड्रग्ज अॅडमिनिस्ट्रेशनने फायजर आणि बायोएनटेक कंपनीच्या प्रोजेक्टआधी अर्ज करण्याची विनंती केली होती.

अमेरिकेत ५ वर्षांपेक्षा कमी वयाची जवळपास १९ मिलियन मुलं आहेत. हा गट लसीकरणासाठी योग्य नाही. मुलांच्या पालकांकडूनसुद्धा लसीकरणाची मागणी करत आहेत. ओमिक्रॉन व्हेरिअंटमुळे अनेक तरुणांना रुग्णालयात दाखल करण्यात आलं होतं. एफडीएच्या परवानगीनंतर प्रौढांना देण्यात येणाऱ्या लशीचा दहा टक्के भाग हा ६ महिन्यापेक्षा कमी वयाच्या मुलांना देण्यात येऊ शकतो.

फायजरने बुधवारी सांगितलं की, फूड अँड ड्रग्ज अॅडमिनिस्ट्रेशनकडे त्यांनी आपला डेटा जमा करण्यास सुरुवात केली आहे. काही दिवसात ही प्रक्रिया पूर्ण होईल अशी अपेक्षा आहे. लहान मुलांना किती डोस द्यावे लागतील असा एक प्रश्न आहे. फायजरकडून सध्या तीन डोसची चाचणी केली जात आहे. कारण दोन अतिरिक्ट डोस मुलांसाठी पुरेसे आहेत. चाचणीचा डेटा मार्च महिन्यापर्यंत हाती येईल. त्यामुळे एफडीए तोपर्यंत दोन डोस अधिकृत करण्याची शक्यता असून त्यानंतर तिसऱ्या डोसला मंजुरी दिली जाऊ शकते.