ब्रिटन सध्या गेल्या तीस वर्षांतील सर्वात मोठ्या वादळाचा सामना करत आहे. जेव्हापासून Eunice वादळ ब्रिटनमध्ये (Britain) धडकलं, तेव्हापासून ब्रिटनध्ये हवामानात मोठे बदल झाले आहेत. परिणामी हवाई वाहतुकही (Air Traffic) विस्कळीत झालेली दिसतेय. लंडनमधील (London) हिथ्रो विमानतळावरही हीच परिस्थिती आहे. या ठिकाणी विमानांचं लँडिंग करणंही कठीण झालं आहे. जोरदार वाऱ्यामुळे विमानं अडकून पडली आहेत. मात्र एवढी मोठी आव्हानं असतानाही एका भारतीय पायलटच्या (Indian Pilot) कुशलतापुर्वक विमान चालवण्याचं सोशल मीडियावर मोठ्या प्रमाणात कौतुक होतंय. या वादळात विमान उतरवण्याचा हा थरारक व्हिडिओ (Viral Video) सोशल मिडियावर व्हायरल होतोय.

ब्रिटनमध्ये आलेल्या या धोकादायक Eunice वादळात एअर इंडियाच्या विमानाने एवढं कुशलापुर्वक लँडिंग केल्यानं, प्रत्येकजण त्या विमानाच्या वैमानिकांचं कौतुक करताना दिसतोय. व्हायरल झालेल्या व्हिडिओमध्येही 'बिग जेट टीव्ही'चे संस्थापक जेरी डायर्स म्हणता आहेत की, "हे विमान योग्यरित्या उतरू शकेल की नाही हे आपल्याला पाहायचंय!" त्यावरून या परिस्थितीचं गांभीर्य लक्षात येतंय. मात्र विमान लँड झाल्यानंतर हे अत्यंत कुशल भारतीय वैमानिक असल्याचं म्हणत सर्वांकडूनच कौतूक होतंय.