पंतप्रधान नरेंद्र मोदी हे गेल्या काही दिवसांपासून विदेश दौऱ्यावर होते. इटलीच्या रोममध्ये जी-२० परषदेत सहभागी झाल्यानंतर पंतप्रधान नरेंद्र मोदी ग्लासगोव्हमध्ये गेले होते. काल पंतप्रधान ग्लासगोव्हमधून भारतात आले. यावेळी त्यांना निरोप देण्यासाठी ग्लासगोव्हमध्ये भारतीय लोक जमले होते. या लोकांनी ढोल वाजवत पंतप्रधान नरेंद्र मोदींना निरोप दिला. यावेळी समोर आलेला एक व्हीडिओ सध्या प्रचंड व्हायरल होतो आहे.

पंतप्रधान नरेंद्र मोदींना निरोप देण्यासाठी जमलेल्या भारतीय लोकांनी ढोल वाजवत त्यांना निरोप दिला. यामध्ये काही मराठी लोक सुद्धा दिसून आले असून त्यांना ढोल वाजवताना पाहून मोदींना देखील मोह आवरला नाही. त्यानंतर मोदींनी देखील ढोल वाजवला. त्यांचा हा व्हीडिओ सध्या सोशल मीडियावर व्हायरल होतोय.