कॅथलिक चर्चचे प्रमुख पोप फ्रान्सिस पुन्हा एकदा वेगळ्याच कारणासाठी चर्चेत आले आहेत. त्यांनी काही दिवसांपूर्वी मॉडेल नतालिया गॅरिबोट्टो हिचा एक बोल्ड फोटो लाईक केला होता. त्यामुळे जगभरात उलट सुलट चर्चा रंगली होती. ही चर्चा थांबण्याच्या आतच पोप फ्रान्सिस यांच्या इन्स्टाग्राम अकाऊंटवरुन मॉडेल मार्गोट फॉक्स हिच्या एका सेक्सी फोटोला लाईक करण्यात आलं आहे. एका ट्विटर यूझर्सने हे समोर आणलं असून मोठ्या प्रमाणात हे ट्विट शेअर केलं जात आहे. 

4 कोटी SC विद्यार्थ्यांना मोदी सरकारचं गिफ्ट; 59 हजार कोटींच्या स्कॉलरशिपला...
 

ख्रिस्मसच्या पार्श्वभूमीवर लोक पोप फ्रान्सिस यांचे वार्षिक संबोधन ऐकण्यासाठी आतूर आहेत. पण, ते आता वेगळ्याच प्रांतात मुशाफिरी करताना सापडले गेले आहेत.  मॉडेल मार्गोट फॉक्स हिने एक फोटो शेअर केला होता. ज्यात ती फीट कपड्यामध्ये आपलं अंगप्रदर्शन करत आहेत. पोप फ्रान्सिस यांनी या पोटोला लाईक केल्यानंतर फॉक्सला अत्यंत आनंद झाला. तिने यासंबंधी ट्विट करत म्हटलंय की, ''माझ्या फोटोला कॅथलिक चर्चचे प्रमुख पोप फ्रान्सिस यांनी लाईक केलं आहे, आता मी स्वर्गात जाईन.''

पोप फ्रान्सिस यांचे अकाऊंट त्यांच्या स्टाफकडून हाताळले जात असण्याची शक्यता आहे. पण, इंटरनेटच्या नजरेतून काहीही सूट शकत नाही. सोशल मीडियावर पोप फ्रान्सिस आणि त्यांनी लाईक केला फोटो मोठ्या प्रमाणात व्हायरल केला जात आहे. मार्गोट फॉक्स हिचे इन्स्टाग्राम अकाऊंट प्रायवेट आहे. त्यामुळे पोप फ्रान्सिस यांनी या फोटोला डिस-लाईक केलंय का नाही, हे कळू शकलेलं नाही. 

झारखंडच्या मुख्यमंत्र्यांवर बलात्काराचा गंभीर आरोप; भाजपनं केलं काँग्रेसला...

पोप फ्रान्सिस कोणालाही फॉलो करत नाहीत. त्यामुळे मॉडेलचे नाव सर्च करुन फोटो लाईक करण्यात आलं असल्याचं सांगण्यात येत आहे. काहींच्या मते पोप फ्रान्सिस यांचे अकाऊंट व्हेरिफाईड आहे. त्यामुळे ते कोणाला फॉलो करतात हे कळू शकत नाही. पोप फ्रान्सिस यांनी फॉक्सचा फोटो लाईक केला असो किंवा नसो, सोशल मीडियावर हा विषय चांगलाच चघळला जात आहे.