लंडन : ब्रिटनची महाराणी दुसरी एलिझाबेथ यांचे पती प्रिंस फिलीप यांचं वयाच्या 99 व्या वर्षी निधन झालं आहे. रॉयल फॅमिलीकडून ट्विटरद्वारे याबाबतची माहिती दिली गेली आहे. क्विन एलिझाबेथ यांचे पती प्रिंस फिलीप हे उपचारांकरिता चार आठवड्यांसाठी हॉस्पिटलमध्ये होते. त्यांना 16 मार्च रोजी हॉस्पिटलमधून डिस्चार्ज देण्यात आला होता. प्रिंस फिलीप यांना ड्यूक ऑफ एडिनबर्ग हा सन्मान प्राप्त झाला होता. विंडसर कॅसलमध्ये त्यांनी आज सकाळी शेवटचा श्वास घेतला. 

- जगभरातील आणखी बातम्या वाचण्यासाठी येथे ► क्लिक करा

त्यांच्या खराब आणि ढासळत्या तब्येतीमुळे प्रिंस फिलीप हे सार्वजनिक समारंभामध्ये कमी दिसून यायचे. ब्रिटनमध्ये कोरोना व्हायरसच्या प्रादुर्भावामुले लॉकडाऊनदरम्या ते लंडनच्या पश्चिमेला असणाऱ्या विंडसर कॅसमध्ये महाराणीसोबत राहत होते.