वॉशिंग्टन - आशियाई अमेरिकी नागरिकांसंबंधी सातत्याने घडणाऱ्या द्वेषपूर्ण घटनांमुळे अस्वस्थ असल्याचे मायक्रोसॉफ्टचे मुख्य कार्यकारी अधिकारी सत्या नाडेला आणि अमेरिकेच्या प्रतिनिधीगृहातील सदस्यांनी सांगत घृणा, वांशिक भेदभाव आणि सर्व प्रकारच्या हिंसाचाराचा निषेध केला.

आशियाई पुरस्कृत गटाने दिलेल्या माहितीनुसार मार्च ते डिसेंबर २०२० या काळात आशियाई अमेरिकी नागरिकांशी झालेल्या गैरवर्तनाच्या सुमारे तीन हजार घटना घडल्याचे मध्यवर्ती तपास यंत्रणेने (एफबीआय) म्हटले आहे. २०१९ मध्ये गैरवर्तनाच्या केवळ २१६ घटना घडल्याचे सांगण्यात आले. यासंबधी केलेल्या ट्विटमध्ये नाडेला यांनी म्हटले आहे की, आशियाई अमेरिकी आणि आशियाई समुदायाबरोबर जगभरात ज्‍या तिरस्कारणीय घटना घडतात त्यावर माझ्या मनात अस्वस्थता आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

आपल्या समाजात वंशभेद, घृणा, हिंसा यांना काहीही स्थान नाही. अन्यायाविरोधात आशियाई व आशियाई अमेरिकी समुदायाबरोबर मी उभा आहे. मायक्रोस्फॉटने एका निवेदनाद्वारे तिरस्कार, वांशिक भेद आणि सर्व प्रकारच्या हिंसेचा निषेध करीत असल्याचे म्हटले आहे.

Edited By - Prashant Patil