अधिवेशन म्हटलं की डोळ्यासमोर येतो तो म्हणजे सभागृहातील गदारोळ आणि आरोप-प्रत्यारोपचा खेळ. अनेकदा सभागृह सुरु असताना सत्ताधारी आणि विरोधक एकमेकांवर आरोप-प्रत्यारोपाच्या फैरी झाडत असतात. त्यामुळे अधिवेशन सुरु असताना अनेकदा गदारोळ माजल्याचंही दिसून येतं.परंतु, स्पेनमधील सभागृहात चक्क एका उंदरामुळे गदारोळ माजला आहे. हो. खरं आहे हे. दरवेळी वाद घालणाऱ्या सत्ताधारी व विरोधकांना यावेळी एका चिंटुकल्या उंदराने घाबरवून सोडलं. या घटनेचा मजेशीर व्हिडीओ सध्या सोशल मीडियावर चर्चेत आला आहे. (rat-ruckus-rat-spooks-lawmakers-in-spain-andalusias-parliament-session-ssj93)

स्पेनमधील संसदेत अधिवेशन सुरु असताना अचानकपणे एक उंदीर सभागृहात शिरला आणि एकच गदारोळ माजला. विशेष म्हणजे या चिंटुकल्या उंदराला पाहून अनेकांची घाबरगुंडी उडाली आणि प्रत्येक जण जागेवरुन उडून इकडे तिकडे पळू लागले. विशेष म्हणजे या घटनेचा व्हिडीओ सध्या सोशल मीडियावर तुफान व्हायरल होत आहे.

दरम्यान, हा व्हिडीओ पाहून अनेकांनी त्यावर कमेंट्स आणि लाइक्सचा पाऊस पाडला आहे. तसंच सध्या सोशल मीडियावर तो तुफान व्हायरल झाला आहे.