दावोस - भारताच्या अर्थव्यवस्थेतील मंदी ही तात्पुरत्या स्वरूपाची आहे आणि आगामी काळात भारतीय अर्थव्यवस्थेत सुधारणा होण्याची अपेक्षा असल्याचे मत आंतरराष्ट्रीय नाणेनिधीच्या व्यवस्थापकीय संचालिका (आयएमएफ) क्रिस्टॅलिना जॉर्जिवा यांनी व्यक्त केले आहे.
जागतिक आर्थिक परिषदेच्या २०२० वर्षासाठीच्या वार्षिक संमेलनात त्या बोलत होत्या. ऑक्टोबर २०१९ मध्ये आंतरराष्ट्रीय नाणेनिधीने जाहीर केलेल्या जागतिक अर्थव्यवस्थेच्या दृष्टिकोनाच्या तुलनेत जानेवारी २०२० मध्ये जागतिक अर्थव्यवस्थेची स्थिती चांगली असल्याचेही त्या म्हणाल्या.
‘‘जागतिक अर्थव्यवस्थेत सुधारणा होण्यामध्ये अलीकडेच झालेल्या अमेरिका-चीन या दोन देशांमधील पहिल्या टप्प्याच्या व्यापार कराराचा आणि कर कपातींचाही प्रभाव आहे. मात्र सध्या असलेला ३.३ टक्क्यांचा आर्थिक विकासदर हा जागतिक अर्थव्यवस्थेसाठी फारसा चांगला नाही. अधिक कृतीशील आर्थिक धोरणे, रचनात्मक सुधारणा आवश्यकता आहे,’’ असेही जॉर्जिवा म्हणाल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.