कॅनडा : कॅनडा हायकोर्टाने नुकताच एका प्रकरणात निकाल दिला असून त्यानुसार शारीरिक संबंध करताना पार्टनरच्या सहमतीशिवाय कंडोम काढणे हा गुन्हा असल्याचं सांगितलं आहे. याप्रकरणी २०१७ मध्ये दाखल करण्यात आलेल्या तक्रारीवर कोर्टाने हा निकाल दिला आहे. या महिलेचा सदर व्यक्तीशी ऑनलाईन पद्धतीने ओळख झाली होती.

(Canada SC Order )

२०१७ मध्ये ओळख झाल्यानंतर त्या दोघांमध्ये शारिरीक संबंध करण्यासाठी समंती झाली होती. पण महिलेने आरोप केला की, आपल्या पार्टनरने शारीरिक संबंधावेळी कंडोम वापरणार असल्याचं सांगितलं होतं पण कंडोमचा वापर केला नाही. तिने सांगितलं की, त्यावेळी मला माहिती नव्हतं पण नंतर मी एचआयव्हीची शिकार बनले. या घटनेनंतर महिलेने सदर व्यक्तीविरोधात तक्रार दाखल केली होती. रॉस मैकेजी किर्कपैट्रिक असं या व्यक्तीचं नाव असून त्याने आपल्यावरील सर्व आरोप फेटाळून लावले आहेत.

कोर्टाच्या सुनावणीवेळी रॉसने सांगितलं की, "सदर महिलेने शारिरीक संबंधावेळी कंडोम न वापरण्यासाठी संमती दर्शवली होती पण ती नंतर आरोप करत आहे." पण रॉसचे हा दावा कोर्टाने फेटाळून लावला होता. त्यानंतर त्याने सर्वोच्च न्यायालयाच याचिका दाखल केली होती. यावेळी सुप्रीम कोर्टाने सांगितलं की, "कंडोम न वापरता संबंध ठेवणे आणि कंडोम वापरत संबंध ठेवणे यामध्ये बराच फरक आहे. त्यामुळे पार्टनरची सहमती असल्याशिवाय कंडोम काढणे हा गुन्हा आहे." असं स्पष्टीकरण कॅनडा सुप्रीम कोर्टाने दिले आहे. त्याचबरोबर या निकालावेळी दुसऱ्या गुन्ह्याचेही संदर्भ कोर्टाने दिले आहे.