लंडन- ब्रिटनमधील बॅंकेत पडून असलेल्या निधीबाबत लंडनच्या न्यायालयाने दिलेल्या निर्णयाविरोधात आव्हान देण्यासाठी हैदराबादच्या निजामच्या अन्य वंशजांनी पुन्हा याचिका दाखल केली आहे. मात्र न्यायालयाने निधीबाबत पुन्हा सुनावणी घेण्यास नकार दिला आहे. न्यायालयाने यापूर्वी निजामाचे आठवे वंश आणि भारत सरकारला यातील काही रक्कम देण्याचा निर्णय दिला होता.
- पुण्याच्या बातम्या वाचण्यासाठी येथे ► क्लिक करा
लंडनमधील रॉयल कोर्ट ऑफ जस्टिसचे न्यायाधीश मार्क्स स्मिथ यांनी गेल्या वर्षी या प्रकरणावर सुनावणी केली होती. फाळणीनंतर हैदराबादच्या सातव्या निजामाच्या आर्थिक संपत्तीवरून भारत आणि पाकिस्तानमध्ये वाद सुरू होते. गेल्या वर्षी भारत सरकार व निजामाचे आठवे वंशज आणि इतर भावांच्या बाजूने लंडनच्या न्यायालनाने निर्णय दिला होता. मात्र याला अन्य वंशजांचा विरोध आहे.
वंशज नजफ अली खान आणि सातव्या निजामाच्या इतर उत्तराधिकाऱ्यांनी या निर्णयाला आव्हान देणारी याचिका दाखल केली आहे. तसेच सातव्या निजामाच्या प्रशासकांवर फसवणुकीचा आरोप लावला आहे. खान यांनी याचिकेत म्हटले आहे की न्यायालयाने भारत आणि अन्य दोघा निजामाच्या वंशजांना हा पैसा दिला आहे. आपण सध्या आर्थिक संकटात आचा सामना करावा लागत आहे.
न्यायाधीश स्मिथ यांनी मात्र निधी प्रकरणावर पुन्हा सुनावणी घेण्यास नकार दिला. मी यापूर्वीच या प्रकरणावर निकाल दिला असून, आता त्यावर पुन्हा प्रक्रिया अशक्य आहे, असे त्यांनी म्हटले आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.