वॉशिंग्टन : लहानपणी अत्याचाराला बळी पडलेल्या महिलांना गर्भाशयासंबंधी होणारे विकार होण्याची शक्यता असते, असा निष्कर्ष गर्भाशयासंबंधी होणारे विकार (एंडोमेट्रीओसिस) व बाल शोषण यामधील संबंधाचा अभ्यास करताना पुढे आले आहेत.
या अभ्यासासाठी रजोनिवृत्तीपूर्वी "एंडोमेट्रीओसिस'चा त्रास असलेलेल्या 60 हजार 595 महिलांशी संवाद साधण्यात आला. त्यापैकी 31 टक्के महिलांनी सांगितले की, बालपणात त्यांच्यावर शारीरिक अत्याचार झाले आहेत.
अन्य 12 टक्के महिलांवर लहानपणी लैंगिक अत्याचार झाले होते, तर दोन्ही प्रकारच्या अत्याचाराला सामोरे जावे लागलेल्या महिलांची संख्या 21 टक्के होती. "नॅशनल इन्स्टिट्यूट ऑफ चाइल्ड हेल्थ अँड ह्युमन डेव्हलपमेंट'च्या "ह्युमन रिप्रॉडक्शन' या नियतकालिकात यासंदर्भातील लेख प्रसिद्ध झाला आहे, अशी माहिती होली हॅरिस यांनी दिली. हॅरिस हे सिएटल येथील फ्रेड हचिन्सन कॅन्सर रिसर्च सेंटरमधील अंडाशयाचा कर्करोग आणि "एंडोमेट्रीओसिस' या विषयाच्या संशोधक आहेत.
बाल शोषण व "एंडोमीट्रीओसिस' या दोन्ही गोष्टी टाळायला हव्यात, हेच या अभ्यासातून दिसून येते, असे हॅरिस म्हणाले. लहानपणी घडलेल्या या आघातामुळे त्यांच्या आरोग्यावर दीर्घकालीन परिणाम कसा झाला, हेही काही जणींनी नमूद केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.