किर्कुक (इराक) - इराकमधील किर्कुक प्रांतातील अमेरिकी सैन्याच्या तळावर गुरुवारी रात्री रॉकेट डागण्यात आल्याची माहिती इराकी आणि अमेरिकी सैन्य दलांशी संबंधित सूत्रांनी वृत्तसंस्थेला दिली. या रॉकेट हल्ल्यात नेमकी किती जीवित हानी झाली याची माहिती उपलब्ध होऊ शकली नाही. किर्कुक प्रांतातील अमेरिकी सैन्याच्या के-वन तळावर गुरुवारी रात्री पावणे नऊच्या सुमारास रॉकेटद्वारे हल्ला झाला. या घटनेनंतर संबंधित सैन्य तळावर अतिशय कमी उंचीवर अमेरिकी सैन्याची हेलिकॉप्टर फिरत होती, अशी माहिती सूत्रांनी दिली.
मागील वर्षी २७ डिसेंबर रोजीही याच तळावर सुमारे ३० रॉकेटचा मारा करण्यात आला होता. त्यात एक अमेरिकी नागरिक ठार झाला होता. या हल्ल्यास जबाबदार धरत इराणचा पाठिंबा असलेल्या कतीब हिज्बुल्ला या स्थानिक कट्टरवादी संघटनेच्या ठिकाणांवर हल्ला केला होता. त्यात २५ जण मारले गेले होते. त्यानंतर कट्टरवाद्यांनी बगदादमधील अमेरिकी दूतावासाबाहेर हिंसाचार घडवून आणला होता. त्यानंतर अमेरिकेच्या ड्रोन हल्ल्यात इराकचा लष्करप्रमुख कासीम सुलेमानी आणि कतीब हिजबुल्लाचा सहसंस्थापक अबू महदी अल मुहांदीस हे ठार झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.