रशिया आणि युक्रेन यांच्यात मागील काही दिवसांपासून युध्द सुरु असून रशियाने युक्रेनवरील केलेली लष्करी कारवाई तात्काळ स्थगित करावी असे आदेश आंतराष्ट्रीय न्यायालयाने (international court of justice) दिले आहेत. न्यायालयाने युद्धावर निर्णय देताना रशियाला हल्ला करणे तात्काळ थांबवण्यास सांगितले आहे.

न्यायालयाने दिलेल्या या निर्णयानंतर, युक्रेनने आयसीजेमध्ये रशियाविरुद्धच्या खटल्यात पूर्ण विजय मिळवला असून ICJ ने हे आक्रमण त्वरित थांबवण्याचे आदेश दिले आहेत, तसेच हा आदेश आंतरराष्ट्रीय कायद्यानुसार बंधनकारक आहे. रशियाने त्वरित त्याचे पालन केले पाहिजे. आदेशाकडे दुर्लक्ष केल्यास रशिया आणखी एकाकी होईल असे मत युक्रेनचे अध्यक्ष वोलोदिमीर झेलेन्स्की यांनी म्हटले आहे. युक्तिवाद संपल्यानंतर आठवडाभरानंतर आंतरराष्ट्रीय न्यायालयाने बुधवारी युक्रेन-रशिया युद्धात आपला निकाल जाहीर केला.