अमेरिकेत गोळीबाराच्या वाढत्या घटनांमुळं संपूर्ण देश चिंतेत आहे.
एकीकडं अमेरिकेत (America) गोळीबाराच्या वाढत्या घटनांमुळं संपूर्ण देश चिंतेत आहे, तर दुसरीकडं या घटना कमी होण्याचं नाव घेत नाहीयत. शिकागोजवळील गॅरी परिसरात असलेल्या इंडियाना नाईट क्लबमध्ये (Indiana Nightclub) रविवारी गोळीबाराची घटना उघडकीस आली. या गोळीबारात दोन जणांचा मृत्यू झालाय. तर, 4 जण गंभीर जखमी झाले आहेत.
पोलिसांनी सांगितलं की, क्लबमध्ये प्रवेश करताच त्यांना 2 लोक बेशुद्ध पडलेले आढळले. दोघंही गोळीबाराचे बळी ठरले होते. यामध्ये एक 34 वर्षीय पुरुष आणि 26 वर्षीय महिलेचा समावेश होता. दोघांनाही रुग्णालयात नेलं असता त्यांना मृत घोषित करण्यात आलंय. या गोळीबारात जखमी झालेल्या चार जणांपैकी एकाची प्रकृती चिंताजनक असल्याचं पोलिसांनी सांगितलं. पोलिसांनी अपघातातील मृतांची ओळख अद्याप जाहीर केलेली नाहीय.
चार दिवसांपूर्वी म्हणजेच, 9 जून रोजी उत्तर मेरीलँडमध्ये एका बंदुकधारी व्यक्तीनं मॅन्युफॅक्चरिंग युनिटवर गोळीबार केला होता. या गोळीबारात ३ जणांचा मृत्यू झाला. तर, एक जण गंभीर जखमी झाला होता. वॉशिंग्टन पोलिसांनी (Washington Police) दिलेल्या माहितीनुसार, हल्लेखोराला अटक करण्यात आलीय. पोलिसांसोबत झालेल्या क्रॉस फायरिंगमध्ये आरोपी जखमी झाला होता, त्याला नंतर ताब्यात घेण्यात आलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.