कोलंबो : श्रीलंकेतील आर्थिक दिवाळखोरीनंतर जनतेचा रोष बघून राष्ट्रपती गोटाबाया राजपक्षे यांनी देशातून पलायन केलं आहे. त्यानंतर त्यांच्यावर जनतेने टीका करत राष्ट्रपती भवनाची तोडफोड केली होती. त्यानंतर राष्ट्रपती राजपक्षे यांनी आपला राजीनामा मेल केला आहे. राष्ट्रपतींनी राजीनामा दिल्याचं कळताच लंकेतील जनतेने जल्लोष केला आहे.
(SriLanka President Resignation)
दरम्यान, राजपक्षे यांनी देशातून पलायन केल्यावर मालदीवमध्ये गेल्याचं समजलं होतं. त्यानंतर ते आता सिंगापूरला गेले असून त्यानंतर ते सौदी अरेबियाला जाणार आहेत. त्यातच त्यांनी मेल करून संसदेच्या अध्यक्षांना आपला राजीनामा पाठवला आहे. त्यानंतर श्रीलंकेतील जनतेने जल्लोष व्यक्त केला आहे. गाणे आणि बँड लावून तरूण नाचताना दिसत आहेत.
श्रीलंकेच्या (Sri Lanka) संसदेचे अध्यक्ष महिंदा यापा अभयवर्धने यांनी गुरुवारी गोटाबाया राजपक्षे यांना सांगितले की त्यांनी लवकरात लवकर अध्यक्षपदाचा राजीनामा द्यावा. अन्यथा त्यांना काढून टाकण्यासाठी इतर पर्याय शोधण्यात येईल. या इशाऱ्यानंतर राजपक्षे यांनी गुरुवारी राजीनामा पाठवला. माले, मालदीवमध्ये एक दिवस घालवल्यानंतर राजपक्षे सिंगापूरमध्ये दाखल झाले आहे. यानंतर ते सौदी अरेबियाला जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.