हार्पिन (चीन) - आपल्याकडच्या रस्त्यांवर खड्डे असतात त्याला सगळेच वैतागलेले असतात. परंतु, चीनमध्ये तर एका रसत्याला भगदाडच पडले. आणि हे भगदाड एवढे मोठा होते की, दोन कार त्यात पडल्या. सुदैवाने यामध्ये जीवितहानी झाली नाही. परंतु, अचानक एवढा मोठा खड्डा कसा पडाला..? यावर आश्चर्य व्यक्त होत आहे. 

'साऊथ चायना मॉर्निंग पोस्ट' यांनी दिलेल्या माहितीनुसार, जोरदार पावसामुळे हा प्रकार घडला असावा. हा खड्डा दहा मीटर एवढा लांब असून, 4 मीटर खोल आहे. एका कारच्या चालकाने, काही समजण्याच्या आतच आम्ही खड्यात पडल्याचे म्हटले आहे. या दोन्ही कारमधले तिघे जण सुखरुप बाहेर आले असले तरी नक्की असे कशामुळे झाले याची चौकशी सुरु आहे.

हार्पिनमध्ये हा प्रकार पहिल्यांदाच घडला नसुन ऑक्टोबर महिन्यातही अशाच प्रकारे एक खड्यात पडली होती.