भारताच्या 32 वर्षीय सॉफ्टवेयर इंजिनीअरची अमेरिकेत गोळ्या झाडून हत्या करण्यात आल्याची घटना समोर आली आहे. त्या तरुणाचं नाव शरीफ रहमान असं असून गेल्या बुधवारी ही घटन घडली आहे. शरीफ रहमान भोपाळमधील राहणारा आहे. स्थानक प्रसारमाध्यमांच्या वृत्तानुसार शरीफच्या एका मैत्रणीसोबत आरोपी एकतर्फी प्रेम करत होता. अमेरिकेतील काही मीडियानं या एकतर्फी प्रेमातून होत असलेल्या गन्ह्याबाबात चिंता व्यक्त केली आहे. शरीफच्या कुटुंबानं मीडिया रिपोर्ट्सवर चिंता व्यक्त केली आहे.  

शरीफ रहमान यांचा मोठा भाऊ मुकीम यांनी टाईम्स ऑफ इंडियाला दिलेल्या मुलाखतीत म्हटलेय की, लहान भाऊ शरीफ याची सेंट लुइस येथे गोळ्या मारुन हत्या करण्यात आल्याची माहिती मिळाली. याबाबतच्या माहितीसाठ यूनिवर्सिटी सिटी पोलिसांसोबत संपर्क साधला.  मात्र, पोलिसांनी एसओपीचा कारण सांगत काहीही माहिती देण्यास नकार दिला. त्यासोबतच शरीफ यांच्या मित्रांनीही काहीही माहिती देण्यास नकार दिलाय.  

हेही वाचा ; अजबच! शब्दागणिक शिवी देण्यानं मन निरोगी राहतं म्हणे 

सॉफ्टवेअर इंजीनिअर शरीफ रहमान यांची आई आणि भाऊ भोपाळमधील सुभाष नगर परिसरात राहतात. दोन्ही देशातील कोरोनाची परिस्थिती पाहून शरीफ याच्यावर अमेरिकेतच अंतिम संस्कार करण्याचा निर्णय घेतलाय. शिकागो येथील भारतीय दूतावासानं सर्व मदत करण्याचं आश्वासन दिलं आहे. शरीफ काम करत असलेल्या कंपनीच्या एचआरसोबत भारतीय दूतावासानं संपर्क केला असून मदत करण्याच्या सूचना दिल्या आहेत.  

हेही वाचा : स्पर्धा परिक्षाची तयारी करणाऱ्याचा कोरोनामुळे मृत्यू 

गेल्या बुधवारी सॉफ्टवेअर इंजीनिअर शरीफ रहमान याच्यावर गोळीबार झाला होता. यूनिवर्सिटी सिटी अपार्टमेंटमध्ये तो जखमी अवस्थेत आढळला होता. रहमान याची मैत्रीण याच अपार्टमेंटमध्ये राहत होती. शरीफ याला जखमी अवस्थेत उपचारासाठी रुग्णालयात दाखल करण्यात आलं होतं. उपचारादरम्यान शरीफ याचा मृत्यू झाला. यूनिवर्सिटी सिटी पोलिसांनी या घटनेतील संदिग्ध आरोपी कोल जे मिलर याला ताब्यात घेतलं असून खूनाचा गुन्हा दाखल केला.  स्थानिक प्रासरमाध्यमांच्या रिपोर्ट्सनुसार, कोल जे मिलर शरीफच्या मैत्रीणीसोबत एकतर्फी प्रेम करत होता. गोळीबार करण्यापूर्वी कोल जे मिलर यानं काही जणांसोबत याबाबत चर्चा केली होती. कोल जे मिलर याचा स्मार्टफोनही जप्त करण्यात आला आहे. 

हेही वाचा : अनिल देशमुख यांच्या आरोपांची सीबीआय चौकशी होणार