जोहान्सबर्ग : दक्षिण आफ्रिकेचे अध्यक्ष सिरिल रामफोसा (Cyril Ramaphosa) यांनी देशात राष्ट्रीय आपत्ती जाहीर केली आहे. मुसळधार पावसामुळे आलेल्या भयानक पुरात जवळपास ४०० पेक्षा अधिक लोकांचा मृत्यू झाला आहे. क्वाझुली नटाला या प्रदेशात अनेक जण अद्यापही बेपत्ता असून ४० हजारांपेक्षा जास्त लोक बेघर झाले आहेत. पंधरवाडापूर्वी आपत्कालीन स्थिती समाप्त झाल्याचे रामफोसा यांनी जाहीर केले होते. कोविड महामारीमुळे ही स्थिती गेल्या दोन वर्षांपासून लागू करण्यात आले होते. चार दिवस पाऊस झाल्याने पूर (Flood) आला. या मागील कारण हवामान बदल असल्याचे रामफोसा यांनी सोमवारी (ता.१७) सांगितले. (South African President Cyril Ramaphosa Declares National Disaster Due To Heavy Floods)

राष्ट्रपती म्हणाले, की जरी आपत्कालीन स्थिती गेल्या आठवड्यात क्वाझुली नटाला प्रदेशात जाहीर करण्यात आले, तरी पुरामुळे इंधन वाहिनी अन्नपुरवठा विस्कळीत झाला आहे. याचा फटका पूर्ण देशासह डर्बन, जे दक्षिण आफ्रिकेतील (South Africa) मुख्य बंदर असून ते आफ्रिका (Africa) खंडातील सर्वात मोठे बंदर आहे. बचाव पथक बेपत्ता लोकांचा शोध घेत आहे. मुसळधार पावसामुळे पुरात ती बेपत्ता झाली आणि भूस्खलनामुळे ४०० पेक्षा अधिक लोक मारले गेले. पुरामुळे अनेक जण बेघर झाले आहेत. आफ्रिकेतील सर्वात व्यस्त डर्बन (Durban) बंदरातील वीज आणि पाणीपुरवठा सेवा विस्कळीत झाली आहे.

रामफोसा म्हणाले, प्रतिकूल हवामान स्थितीचा देशातील इतर भागांवर होऊ शकतो. त्यामुळे राष्ट्रीय आपत्कालीन स्थिती जाहीर करणे गरजेचे होते. असंख्य रस्ते आणि पुलांचे नुकसान झाले आहे. पायाभूत सुविधांचे झालेली पडझड दुरुस्त करण्याचे काम संरक्षण दलाकडे देण्यात आले आहे. रामफोसा म्हणाले, की राष्ट्रीय आपत्कालीन स्थिती जाहीर केल्याने संसाधने जमवता येतील.