इराणमध्ये आज (बुधवार) एक मोठी दुर्घटना घडलीय. आज सकाळी इराणमध्ये एक पॅसेंजर ट्रेन अपघाताची (Iran Train Accident) शिकार बनलीय. ट्रेन रुळावरून घसरल्याने किमान 10 जणांचा मृत्यू झाला, तर 50 हून अधिक जण जखमी झाले आहेत. हा रेल्वे अपघात देशाच्या पूर्व भागात असलेल्या एका शहरात घडलाय. सरकारी माध्यमांनी ही माहिती दिलीय.

या अपघातातील मृतांचा आकडा वाढण्याची शक्यता वर्तवली जात आहे. वृत्तानुसार, इराणमधील तबास या वाळवंटी शहराजवळ (Train Derailed in Tabas) पहाटेच्या अंधारात ट्रेनच्या सातपैकी चार बोगी रुळावरून घसरल्या. सध्या घटनास्थळी बचावकार्य सुरू असून जखमींना जवळच्या रुग्णालयात हलवण्यात आलंय.