काबूल: अफगाणिस्तानवर (Afganistan) ताबा मिळवल्यानंतर तालिबानचा खरा चेहरा आता हळूहळू समोर येऊ लागला आहे. काल काबुलच्या (Kabul) अम्युझमेंट पार्कमध्ये (amusement park) तालिबानी (taliban) बंडखोर डॅशिंग कार आणि मेरी-गो-राऊंडचा आनंद घेताना दिसले होते. आता दुसरा एक व्हिडीओ समोर आला असून यामध्ये या अम्युझमेंट पार्कला आग लागल्याचे दिसत आहे.

तालिबाननेच हे अम्युझमेंट पार्क पेटवून दिल्याची शक्यता आहे. अम्युझमेंट पार्कमध्ये लहानांपासून मोठ्यांसाठी खेळांची विविध साधने उपलब्ध असतात. काबुलवर ताबा मिळवल्यानंतर या तालिबानी बंडखोरांनी अम्युझमेंट पार्कमध्ये जाऊन मेरी-गो-राऊंड आणि डॅशिंग कार खेळण्याचा आनंद घेतला. ते व्हिडीओ सुद्धा सोशल मीडियावर व्हायरल झाले होते. इंडिया टुडेने हे वृत्त दिले आहे.

आता नव्या व्हिडीओमध्ये रात्रीच्यावेळी संपूर्ण अम्युझमेंट पार्क आगीच्या ज्वाळांनी वेढल्याचे दिसत आहे. ज्या टि्वटर युझरने हा व्हिडीओ शेअर केलाय, त्याने शेबेरगनमधील हे बोखडी पार्क असल्याचा दावा केला आहे. पार्कमधील पुतळे इस्लामच्या विरोधात आहेत, त्यामुळे तालिबानने हे अम्युझमेंट पार्क पेटवून दिल्याचा दावा या टि्वटर युझरने केला आहे.