लंडन: विद्यार्थ्यांवर चांगले संस्कार घडवण्याची, त्यांना चांगला मार्ग दाखवण्याची जबाबदारी शिक्षकांवर (Teacher) असते. पण अनेकदा शिक्षकांना आपल्या या जबाबदारीचा विसर पडतो, आणि त्यांच्याकडूनच शिक्षक-विद्यार्थी नात्याला कलंक लावणाऱ्या लाजिरवाण्या चूका घडतात. इंग्लंडच्या (england) वेस्ट ससेक्सच्या शाळेत शिकवणाऱ्या एका शिक्षिकेने, तर आपल्या सर्व मर्यांदाचे उल्लंघन करुन विद्यार्थ्यासोबतच शरीरसंबंध प्रस्थापित केले.

फतिनाह होसैन असे या शिक्षिकेचे नाव आहे. फतिनाहने वर्गातील एका विद्यार्थ्यासोबत शरीरसंबंध ठेवले व मुलचं वर्गात माझ्यासोबत फ्लर्ट करतात असे बेधडकपणे सांगून टाकले. एका १४ वर्षीय अल्पवयीन मुलासोबत शरीरसंबंध ठेवल्याप्रकरणी मागच्या आठवड्यात फतिनाह तुरुंगात होती. एका विद्यार्थ्याने अनेक महिन्यांपासून तिच्यासोबत असलेले अनैतिक संबंध तोडण्याचा प्रयत्न केला. हे प्रकरण कोर्टात पोहोचले, तेव्हा फतिनाह होसैनीने गर्भवती असल्याचाही दावा केला होता. 'मिरर' वेबसाइटने हे वृत्त दिलं आहे.

मुलाने तिच्यावर केलेले आरोप मागे घ्यावेत, यासाठी तिने पैसेही देऊ केले होते. जून महिन्यात जामिनावर बाहेर आल्यानंतर फतिनाह होसैनीने त्या विद्यार्थ्याने आणि त्याच्या कुटुंबाने आपली छळवणूक केली, असे सांगत मोहिम सुरु केली होती. पोलीस चौकशी थांबवण्यासाठी ती हे सर्व करत होती.

आपल्या या कृत्यांबद्दल अन्य मुलांनी तोंड उघडू नये, यासाठी तिने अन्य विद्यार्थ्यांना धमकावलं होतं. फतिनाह होसैनी सध्या जामिनावर बाहेर असून या प्रकरणाचा खटला न्यायालयात आहे.