रशियात राहणारी क्रिस्टीना ओझटर्कने वयाच्या 17 व्या वर्षी पहिल्या बाळाला जन्म दिला. त्यानंतर नुकतेच 10 महिन्यात 10 सरोगेट बाळांना जन्म दिला आहे. क्रिस्टीना ही दहाव्या सरोगेटपासून ती आणि तिच्या पतीने मिळून तब्बल 21 बाळांना जन्म दिला आहे. त्यामुळे ती सध्या 21 मुलांची आई बनली आहे. तिच्या या 21 मुलांना सांभाळण्यासाठी तिने चक्क 16 आया ठेवल्या आहेत.

ओझटर्क जॉर्जियाच्या गॅलिपमधील एका करोडपतीची क्रिस्टीना पत्नी आहे. हिने मागील वर्षी मार्च ते या वर्षी जुलै महिन्यात सरोगेट्समध्ये पालक होण्यासाठी 1,46,78,156 रुपये खर्च केले आहे. क्रिस्टीना ही मूळची रशियाची आहे. क्रिस्टीना घरात राहणाऱ्या 16 आयांवर ती दरवर्षी 72,08,265 रुपये खर्च करतेय. झपाट्याने वाढणाऱ्या मुलांची काळजी घेण्यासाठी आया 24 तास काम करतात. त्यांच्या कु़टुंबामध्ये क्रिस्टीना तिच्या पतीच्या पहिल्या पत्नीच्या दोन मुलांसह एकूण 23 मुलांसोबत एकाच घरामध्ये राहतात.

यावेळी बोलताना क्रिस्टीनाने सांगितले की, मी प्रत्येकवेळी मुलांसोबत असते, प्रत्येक आई आपल्या मुलांसाठी करते, तेच काम मी ही करते. मी लहान असल्यापासून हे स्वप्न पाहतेय. माझ्या पतीनेही पहिल्यापासून आपले एक मोठे अन् आनंदी कुटुंब असावे, असे स्वप्न पाहिले होते. त्यामुळे आम्ही आमचे स्वप्न प्रत्यक्षात आणलो आहोत.

क्रिस्टीना तिच्या दैनंदिन जीवनाची माहिती इंस्टाग्रामवर पोस्ट करत असते. सोशल मीडिया प्लॅटफॉर्मवर तिला 1,60,000 लोक फॉलो करतात.